تهران آذربایجانین ایران‌داکی سفیرلیینین یئنی‌دن آچیلماسینی ایستییر. بو مقصدله ایران و آذربایجان خاریجی ایشلر ناظرلری تئز-تئز تلفنلا دانیشیرلار. قونشو اؤلکه‌ده سفیرلیین باغلی قالماسی آذربایجانین دا ماراقلارینا جواب وئرمیر. آنجاق تهران سفیرلییمیزین آچیلماسی اوچون ضروری آددیملار آتماییب.

Axar.az خبر وئریر کی، بو سؤزلری پولیتولوگ الخان شاهینوغلو قید ائدیب.

پولیتولوگ خاطیرلادیب کی، سفیرلییمیزه ترور هجومونون آراشدیریلماسییلا باغلی صحیح معلومات یوخدور:

«همچینین، جینایتکارین حبس‌ده اولوب-اولماماسی دا بللی دئییل. تهران سفیرلیک بینامیزین و دیپلماتلاریمیزین تهلوکسیزلیینه تأمینات وئرمه‌لیدیر. چونکی سفیرلییمیزه ترور هجومو گؤرونتولریندن آیدین اولدو کی، سفیرلیک بیناسی اطرافینداکی پلیس‌لر هجومون قارشی‌سینی آلماق اوچون هئچ نه ائتمه‌ییبلر. ان پیس حال‌دا ایسه اؤزلری شرایط یارادیبلار.

ایران خاریجی ایشلر ناظیرلیینین سؤزچوسو ناصر کنعانی دئییب کی، آذربایجان و ایران خاریجی ایشلر ناظرلری سون تلفن دانیشیغی زامانی گرگینلیگی ایداره ائتمک و مباحثه‌لری حل ائتمک اوچون ایکی اؤلکه آراسین‌دا تکنیکی نماینده هئیتلرینین مبادیله‌سی و دیگر آددیملار حاقدا راضیلیغا گلیبلر. تهران بونونلا «ایکی اؤلکه آراسینداکی گرگینلیکلری حل ائتمک ممکن دئییلسه، هئچ اولماسا، اونلاری ایداره ائتمک لازیمدیر کی، وضعیت ایندیکیندن ده پیس اولماسین» دئمک ایسته‌ییب. البته، آذربایجانین ایران‌داکی سفیرلیینین یئنی‌دن فعالیته باشلاماسی و سفیریمیزین تهرانا قاییتماسی گرگینلیگی نیسبتا آزالدا بیلر. آنجاق بو آزدیر. تهران آذربایجانین داخیلی ایشلرینه قاریشماقدان ایمتینا ائتمه‌لیدیر.

بس تهران بو سیاستیندن ایمتینا ائتمه‌یه حاضردیرمی؟ بونا دلالت ائد‌ن هئچ نه یوخدور، عکسینه، ایرانین داخیلی ایشلر ناظری بو گونلرده آذربایجان علیهینه هده‌لییجی آچیقلامالار سسلندیریب. تهران آذربایجانلا مناسیبتلرده‌کی «گرگینلیگی ایداره ائتمه‌یه» هوس‌لیدیرسه، رسمیلری، میلت وکیللری و ملالارینی آذربایجان علیهینه آچیقلامالار وئرمکدن چکیندیرمه‌لیدیر. بو اولمادیقجا نه گرگینلیگی اورتادان قالدیرماق، نه ده همین گرگینلیگی «ایداره ائتمک» ممکن اولاجاق».