طالبان حکومتی افغانیستانین بعضی ایالتلرینده ۱۰ یاش‌دان یوخاری قیزلارین مکتبه گئتمه‌سینی قاداغان ائدیب.

Axar.az خبر وئریر کی، اؤلکه‌نین تحصیل ناظیرلیینین رسمیلری طرفیندن غزنی ویلایتینده‌کی مکتبلرین دیرکتورلارینا ۱۰ یاشیندان یوخاری قیزلارین تحصیل آلماسینا اجازه وئریلمدیی باره‌ده خبردارلیق ائدیلیب.

قید ائدک کی، ۲۰۲۱-جی ایلده افغانیستان‌دا باش وئرن حادثه‌لردن و اؤلکه‌دن آمریکا قوه‌لرینین چیخاریلماسیندان قیسا مدت سونرا قیزلارین اورتا تحصیل آلماسی قاداغان ائدیلیب. طالبان حکومتی بو اؤلکه‌ده آنجاق اوغلانلارین تحصیل آلماسینی مقبول ساییب.

اؤتن ایلین دکابر آییندان قیزلارین کولج و اونیورسیتت‌ده تحصیل آلماسی دا قاداغان ائدیلیب و بو دا مینلرله وطنداشین اونیورسیتت تحصیلینی یاریمچیق قویماسی ایله نتیجه‌لنیب.

ب.ام.ت اؤتن آی طالبان حاکمیتینه افغانیستان‌دا قادین و قیزلارا، او جمله‌دن اونلارین تحصیلی و مشغوللوغونا قویولان محدودیتلری آرتیردیغی اوچون ایرادلارینی بیلدیریب.