آلکسی شادرینوو ۱۹۷۳-جو ایلده ولوگراد ایالتینین بلزورسک شهرینده آنادان اولوب. ۱۳ یاشیندان شعرلری درج ائدیلمه‌یه باشلاییر. گنج شاعر کیمی پرسپکتیوی اولان آلکسیی ۱۹۹۱-جی ایلده حربی خدمته چاغیریرلار. بیر مدت روسیادا خدمت ائتدیکدن سونرا اونو ۳۶۶-جی آلایا تحکیم ائدیرلر و اونلارلا بیرگه خانکندییه گلیر.

Kult.az خبر وئریر کی، بو باره‌ده تاریخ‌چی عالم، داسنت زائور علیئو قید ائدیب.

او بیلدیریب کی، ایلک گونلردن ارمنیلرین وحشی‌لیکلری گؤرن آلکسی ائولرینه مکتوب یازیر:

«او، مکتوبوندا قید ائدیر: "من حربی خدمتده هر جور چتینلیکلره دؤزرم، بوتون قارا و آغیر ایشلری گؤره بیلرم. لاکن بورداکیلارین دیگرلرینه (آذربایجانلیلارا) غیرانسانی مناسبتینی گؤروب دؤزه بیلمیرم".

او، ارمنیلرین روس ضابطلری ایله آذربایجانین خوجالی شهرینه بؤیوک هجوم پلانی حاضیرلادیغینی بیلیردی. شاعر قلبلی گنج بو دؤیوشده اشتراک ائتمیجیینی و مدافعه ناظیرلیینه مراجعت ائدجیینی بیلدیریر. ضابطلرین اونو بیر نئچه دفعه دؤیمه‌سینه باخمایاراق، ۱۹ یاشلی آلکسی خوجالییا هجوم و اردودان کنار شخصلرین (ارمنیلر، عربلر، کوردلر و باشقا میللتلردن اولان مزدلولار – رد.) حربی حصه‌ده ائتدیکلری باره‌ده ناظرلییه معلومات وئرجیینی بیلدیریر.

اونون چاووشو ایرسبایئو آدلی قازاخ ایدی. اونو دؤیوش پلانلاری باره‌ده معلومات اولماماسی اوچون مطبخه ۱۱ گونلوک نؤوبتچی تعیین ائدیر. بورانی تمیزلمیی امر ائدیر و دفعه‌لرله اونو آلچالدیر. خبردار ائدیر کی، بیزه یاخشی پول وئرجکلر، ائوینه قاییدیب یاخشی یاشایا بیلر. لاکن آلکسی مؤوقعییندن دؤنمور. نتیجه‌ده ۲۳ فورال ۱۹۹۲-جی ایلده اونو مطبخدن آسیلمیش وضعیتده تاپیرلار. ارمنی حکیملر و روس ضابطلردن ۳۶۶-جی آلایا رهبرلیک ائد‌ن پولکوونیک یوری یورئویچ زاویقاروو و یئوگنی آلکساندروویچ نابوکیخ بیرگه سند وئریرلر کی، گویا اونون اوزرینده زوراکیلیق علامتلری آشکار ائدیلمه‌ییب. بئله‌جه خوجالی سویقیریمی روس گنج عسگرین اؤلومو ایله باشلاییر. آلکسیین عائله‌سی دفعه‌لرله مراجعت ائدیب اؤلوم سببینی آشکارلاماق ایستسه‌لر ده، اوزمانکی روسیا مدافعه ناظرلیی عینی سؤزو دئییر.

عائله‌سی ایله آلکسیین عسگر یولداشلاریندان آلدیغی معلوماتا گؤره، اونو ارمنی ترورچولار آسیبلار».