۲۰۲۲-جی ایلین ۱۶ سنتیابریندا مجبوری حجاب قایدالارینی پوزدوغونا گؤره، تهران‌دا "اخلاق پلیسی" طرفیندن اؤلدورولن مهسا امینینین عائله‌سینین اؤلکه‌دن چیخیشینا قاداغا قویولوب.

Axar.az خبر وئریر کی، بو باره‌ده عائله‌یه یاخین شخصلر معلومات یاییب.

بیلدیریلیب کی، امینینین والیدینلری تهرانین «امام خمینی» هاوا لیمانیندان فرانسایا اوچماق ایستدیکلری واخت پاسپورتلاری آلینیب و اونلارین چیخیشینا قاداغا قویولدوغو بیلدیریلیب.

عائله آوروپا بیرلیینین مهسا امینییه وئردیی ساخاروو آدینا ۲۰۲۳-جو ایلین «فیکیر آزادلیغی» مکافاتینی آلماق اوچون فرانسایا دعوت ائدیلیبلر.

خاطیرلاداق کی، مهسا امینی اؤتن ایل سنتیابرین ۱۳-ده ایرانین اخلاق پلیسی طرفیندن ساخلانیلدیقدان بیر مدت سونرا کومایا دوشوب، آردینجا ایسه وفات ائدیب. اونون اؤلوموندن سونرا ایران‌دا آیلارلا داوام ائد‌ن آکسییالار باشلاییب.

ایران‌دا باش وئره‌ن اؤتن ایلکی حادثه‌لر نظره آلیناراق، آوروپا پارلامنتینین ساخاروو آدینا «فیکیر آزادلیغی» مکافاتینین ۲۰۲۳-جو ایلدکی مکافاتی ۲۰۲۲-جی ایلین ۱۶ سنتیابرین‌دا «اخلاق پلیسی" طرفیندن اؤلدوروله‌ن مهسا امینی‌یه وئریلیب.

بو مکافات آوروپا بیرلیینین اینسان حاقلاری فعاللارینا و فیکیر آزادلیغینا ان یوکسک حرمتینین گؤستریجیسی حساب ائدیلیر.