بو گون دنیا آذربایجان‌لیلاری کنگرسی یازیچیلار بیرلیینین ناتوان کلوبوندا ۲۰-جی یوزیل تاریخیمیزین ان شرفلی گونلریندن اولان جنوبی آذربایجاندا قورولان میللی حکومتین - ۲۱ آذر حرکاتینین ۷۸-جی ایلدؤنومونه حصر اولونموش توپلانتی کئچیریب.

Axar.az خبر وئریر کی، توپلانتینی دنیا آذربایجان‌لیلاری کنگرسی هم‌صدری صابر رستمخانلی آچاراق ۲۰-جی عصرده آذربایجانین استقلال و بوتؤولوک مبارزه‌سی، بو مبارزه تاریخینده ۲۱ آذر حرکاتینین مستثنا رولو حاقدا دانیشیب.

تدبیرده آراشدیرماچی عالیملر علی شامیل و یاسمن قاراقویونلو ۲۱ آذر حرکاتی حاقیندا گئنیش تاریخی معلومات وئریب.

داها سونرا گونئی آذربایجان دموکراتیک فرقه‌سینین رهبری رحیم حسینزاده او دؤورون میللی فدائیلری و بو مبارزه‌نین داوام ائتدیریلمه‌سی حاقیندا چیخیش ائدیب.