۱۲:۱۴

ایرانین بیر چوخ ایالتلرینده یاناجاقدولدورما (پمپ بنزین) منطقه‌لرینین فعالیتی دایانیب.

Axar.az خبر وئریر کی، بو باره‌ده یئرلی مئدیا معلومات یاییب.

رسمیلر حادثه‌نین سببلرینین آراشدیریلدیغینی دئسه‌لر ده، بیر سیرا منبع‌لر بونون کیبر هجوم نتیجه‌سی اولدوغونو بیلدیریرلر.

شرقی آذربایجان ایالتینین میللی نفت محصوللارینین پایلاییجی شیرکتی ایالتین بوتون بؤلگه‌لرینده یاناجاقدولدورما منطقه‌لرینین فعالیتینین دایاندیغی باره‌ده معلومات یاییب.

قید ائدک کی، ۲۰۲۱-جی ایل اوکتیابرین ۲-ده ایران‌دا اوخشار حادثه باش وئرمیش و نتیجه‌ده اؤلکه اوزره ۴۳۰۰ یاناجاقدولدورما منطقه‌سی ایفلیج وضعیته دوشموشدو.

ایران رسمیلری کیبر-هجومون منشعی و سببی باره‌ده مختلیف فیکیرلر سسلندیرسه‌لر ده، هجومون اسرائیل طرفیندن حیاتا کئچیریلدیی باره‌ده ده معلوماتلار یاییلمیشدی.

***

اسرائیل ایرانین یاناجاقدولدورما منطقه‌لرینی ایفلیج ائتدی

ایرانین اکثر بؤلگه‌لرین‌ده یاناجاقدولدورما منطقه‌لرینین فعالیتینین ایفلیج اولماسینین سببلری معینلشیب.

بو باره‌ده "الجزیره" اسرائیل اوردوسونا ایستینادا معلومات یاییب.

معلوماتا گؤره، اسرائیلین کیبرهجوملاری نتیجه‌سینده یاناجاقدولدورما منطقه‌لرینین فعالیتینده پروبلم یارانیب.

بونونلا یاناشی، «ییرتیجی سرچه» هاکر گروپو بیانات یایاراق، ایرانین یاناجاقدولدورما سیستمینه هاکر هجومو ائتدیینی بیلدیریب.