مارتین ۱-ی آخشام ساعتلاریندا تهلوکهسیزلیک و پلیس مأمورلاری تبریزلی ژورنالیست جواد آقاجان نژادی دؤیوبلر.
Axar.az خبر وئریر کی، بو بارهده یئرلی سوسیال مئدیا فعاللاری معلومات یاییب.
بیلدیریلیب کی، ژورنالیست سئچکیلرده اشتراک ائدنلرین سایینین آز اولماسی ایله باغلی پایلاشیمیندان سونرا هجوما معروض قالیب.
او، ایمام رضا مسجیدیندهکی سئچکی منطقهسینده تبریز فرماندارلیغینین نمایندهسی عبدالله خیری آذردن نئچه نفرین سس وئردیینی سوروشوب. نماینده ۵۵۰ نفرین سس وئردیینی دئییب. جواد آقاجاننژاد دا سوسیال مئدیاداکی پایلاشیمیندا بونو یاییب:
«اؤتن دفعهکی سئچکیلرده همین منطقهده ۱۳۰۰ نفر سس وئرمیشدی. بو، حاضیرکی سئچکیلره قاتیلانلارین اولدوقجا آز اولدوغونو ثبوت ائدیر»،- ژورنالیست پایلاشیمیندا قید ائدیب.
آقاجان نژادین بیر نئچه ساعتلیغینا حبس ائدیلدیی و گئجه یاریسی سربست بوراخیلدیغی بیلدیریلیب.