روسیانین مسکوا ولایتینده «کروکوس سیتی هال» کنسرت زالیندا باش وئرن ترور آکتیندان سونرا آذربایجاندا قورو سرحدلرین آچیلماماسینی تقدیر ائد‌ن یازیلارا و سوسیال شبکه‌لرده سرحدلرین باغلی قالماسینا حاق قازاندیران چوخلو سایدا استاتوسلارا راست گلینیر.

اوسته‌لیک، لنکران شهر اجرا حاکمیتینین باشچی‌سینین و آذربایجانین بعضی رایونلاریندا فردی قایدادا انگلیس دیلی معلمی کیمی فعالیت گؤسترن خارجی اؤلکه وطنداشینا قارشی سوءقصد حیاتا کئچیرمیی پلانلاشدیران شخصلرین دولت تهلوکه‌سیزلیی خدمتی طرفیندن افشا اولوناراق، حبس اولونماسی دا اؤلکه‌میزده‌کی تهلوکه‌سیزلیک مسئله‌لرینی بیر داها یئنی‌دن گوندمه گتیردی.

عینی واختدا قیرغیزیستانین ملی تهلوکه‌سیزلیک کمیته‌سینین ترانس‌ملی جنایتکار گروپلاشمانین عضوو اولان بئش آذربایجان وطنداشینی حبس ائتمه‌سی، روسیانین مختلف شهرلرینده یئنی‌دن ترور هیجانی، تورکیه‌نین ۳۰ ولایتینده ایشید ترور تشکیلاتینا قارشی عینی زماندا گئنیش‌مقیاسلی عملیاتلارین کئچیریلمه‌سی و عملیات زمانی ایشید-له علاقه‌سی اولماقدا شبهه‌لی بیلینه‌ن ۱۴۷ نفرین ساخلانیلماسی بین‌الخالق سویه‌ده تهلوکه‌سیزلیک مسئله‌لرینی یئنی‌دن گوندمه گتیردی.

بو گون آرتیق آوروپا دولتلری آرتان بو ترور دالغاسی فونوندا تهلوکه‌سیزلیک تدبیرلرینی گوجلندیریر، استراتژی اوبیکتلری و سفیرلیکلری جدی قوروما آلتینا آلیر. بئله بیر وضعیتده آذربایجانین تهلوکه‌سیزلیک دورومونو داها دا آرتیرماسی، دولته سیزمیش جدی اینفورماسییالاری دوتیمیزین و خالقیمیزین ماراقلاری چرچیوه‌سینده بیر داها یئنی‌دن نظردن کئچیرمه‌سی واجب و منتقلی‌دیر. چونکی جنوبی قافقاز هر زمان اولدوغو کیمی بو گون ده ان قاینار رگیونلاردان بیریدیر و یقین کی، اوزون مدت ده بئله قالاجاقدیر.

اودور کی، دولتیمیزین تهلوکه‌سیزلیکله باغلی آلدیغی قرارلارا آنلاییشلا یاناشمالییق و بو تدبیرلرین حیاتا کئچیریلمه‌سینده یاردیمچی اولمالییق.

اما رگیونوموزدا بو تهدیدلر هر زمان موجود اولوب. حتی تورپاقلاریمیزین اشغالی زمانی، ایرانین جدی تهدیدلری اولاندا بئله قورو سرحدلریمیزین باغلانماسینی واجب حساب ائتممیشیک. دوغرودور، قورو سرحدلریمیزین باغلانماسی بوتون دنیادا باش وئرن آندا قونشو دولتلرله پارالل اولاراق باغلانیب. سرحدلرین آچیلماسی ایسه هر دولتین اؤز ماراقلاری چرچیوه‌سینده ممکون اولدو.

آذربایجانین قورو سرحدلرینین آچیلماسی دا آذربایجان دولتینین ماراقلاری چرچیوه‌سینده اویغون زماندا و تهلوکه‌سیزلیک مسئله‌لرینه اویغون آچیلمالیدیر.

نظره آلساق کی، بیرلشمیش ملتلر تشکیلاتی-نین اقلیم دییشیکلیی کنفرانسی و یا کوپ۲۹-اون ۲۰۲۴-جو ایلین نویابرین‌دا آذربایجاندا کئچیریله‌جک، دئمک کی، تهلوکه‌سیزلیک باخیمیندان قورو سرحدلرین آچیلماسی دا بو تاریخ‌دن سونرا رئاللاشا بیلر.

بس قورو سرحدلری قسما ده اولسا، کنتروللو بیر شکلده آچماق ممکوندورمو؟ ان آزی بونو قونشو گورجوستانلا رئاللاشدیرماق ممکوندورمو؟ طبیعی کی، ممکوندور!

اوالا قید ائدیم کی، قورو سرحدلریمیز گورجوستانلا بیرطرفلی قایدادا باغلی‌دیر. یعنی گورجوستان وطنداشلاری اؤز اؤلکه‌لرینه گئری دؤنرکه‌ن آذربایجان سرحددیندن قورو یولو واسطه‌سیله چیخیش ائده بیلیرلر. گیریش ایسه یالنیز هوا یولو ایله ممکوندور. آذربایجان وطنداشلاری ایسه هر ایکی طرفه یالنیز هوا یولوندان استفاده ائده بیلرلر.

سر دئییل کی، آذربایجان‌دا یوز مینلرله گورجوستان اصیللی آذربایجان وطنداشی یاشاییر و اونلارین بو گون گورجوستان‌دا یاشایان سویداشلاریمیزلا چوخ سیخ قوهوملوق علاقه‌لری موجوددور. عینی زماندا قارشی‌لیقلی اولاراق گورجوستان‌دا یاشایان سویداشلاریمیز آذربایجان‌دا اولان یاخینلاری ایله خیرده، شرده بیر آرایا گلمک مجبوریتینده قالیرلار.

بئله اولان حال‌دا قورو سرحدلرین باغلی قالماسی پروبلمی یوز مینلرله انسانا اؤز تأثیرینی گؤسترمیش اولور. آذربایجان حکومتی بو پروبلمی حل ائتمک اوچون سویداشلارینا خصوصی بیر امتیاز و یاناشما گؤستره بیلمزمی؟

مثلاً، ناظیرلر کابینتی یانیندا اپراتیو قرارگاهین نزدینده حکومت پورتالیندا قیدیاتا آلینماقلا اجازه‌لی بیر شکلده سویداشلاریمیزین گئدیش-گلیشینه شرایط یارادیلا بیلر. سوءاستفادنین قارشی‌سینی آلماق اوچون بو اجازه‌نین اؤزونه بئله محدودیتلر تطبیق ائتمک ممکوندور. اگر بو مسئله‌نی ده رئاللاشدیرماق ممکون گؤرونمورسه، هوا یولوندان قارشی‌لیقلی استفاده زمانی سویداشلاریمیزا لیمیتلی اولاراق گذشتلر تطبیق اولونا بیلر، آویاشرکتلرین قیمتلری ال‌چاتان ائتمه‌سی اوچون معین آددیملار دا آتیلمالیدیر.

تهلوکه‌سیزلیک مسئله‌سینی یالنیز سرحدلریمیزین ایچری‌سینده دئییل، اوندان کناردا دا قورمالییق. بو گون گورجوستاندا یاشایان یاریم میلیوندان چوخ سویداشیمیزین ایرانا داها راحت گئدیب-گلمه‌سی، یاخود ایرانین بورچالییا چوخ راحت بیر شکلده گیره بیلمه‌سی بیزیم اوچون ده گله‌جک تهلوکه‌سیزلیک مسئله‌لرینین ترکیب حصه‌سی اولا بیلر. امین اولاق کی، بیزیم اوزاق قالدیغیمیز یئرلرده بیریلری بیزیم یئریمیزی دولدورماغا چالیشیر. قورو سرحدلریمیزین اوزون مدت باغلی قالماسینین بیر ده بو فسادلارینین اولاجاغینی نظره آلمالییق.