آنا صحیفه توپلوم |
اصلن گونئی آذربایجانلی پروفسور احمدرضا جلالی ایله باغلی سوئدین باش ناظری اولف کریسترسسونا مراجعت اولونوب.
Axar.az خبر وئریر کی، بو بارهده عالیمین حیات یولداشی ویدا مهراننیا معلومات یاییب.
مکتوب بوندان اول ایراندا گیروو ساخلانیلان ۱۵ سوئدلی طرفیندن یازیلیب. مکتوب مؤلفلری سوئد وطنداشی اولان جلالینین وضعیتیندن ناراحاتلیقلارینی بیلدیرهرک، سوئد حکومتینین اونون آزاد ائدیلمهسی اوچون سعیلرینی آرتیرماغی طلب ائدیبلر.
گونئیلی عالیمین حیات یولداشی آپرئلین ۲۶-دا استکهولمدا بینالخالق عفو تشکیلاتینین کئچیردیی توپلانتیدا پروسسور جلالی ایله باغلی چیخیش ائدیب.
او، ۸ ایلدیر ائوین حبسخاناسیندا اعدام حکمو آلتیندا ساخلانیلان حیات یولداشینین آزاد ائدیلمهسی اوچون سوئد حکومتینین سعیلرینین قناعتبخش اولمادیغینی دئییب.
قید ائدک کی، تهلوکهسیزلیک مأمورلاری ۲۰۱۶-جی ایلین آپرئل آییندا تهران و شیراز اونیورسیتتلرینین دعوتی ایله علمی کنفرانسا قاتیلماق اوچون ایرانا سفر ائدن احمدرزا جلالینی حبس ائدیبلر. تهران انقیلاب محکمهسی ۲۰۱۷-جی ایلین سنتیابر آییندا اصلن گونئی آذربایجانین ساراب شهریندن اولان جلالینی "اسرائیله جاسوسلوق" اتهامینا گؤره اعداما محکوم ائدیب. قرار داها سونرا ایران عالی محکمهسی طرفیندن ده تصدیق اولونوب.
تاریخ
2024.04.27 / 10:45
|
مولف
Axar.az
|