تهران پروکورورلوغو ایکی ژورنالیسته قارشی سپاه عضولری طرفیندن اؤلدورولن اعتراضچی یئنی‌یئتمه نیکا شاکرمی باره‌ده معلومات درج ائتدیکلرینه گؤره جینایت اتهامی اعلان ائدیب.

Axar.az خبر وئریر کی، بو باره‌ده اینسان حاقلاری فعاللاری معلومات یاییب.

بیلدیریلیب کی، «میدانی آزادی» درگی‌سینین باش رداکتورو هادی کسایی‌زاده و ژورنالیست اصل داداش‌لو «کیبرمکان‌دا یالان معلومات یایماق»دا گناهلاندیریلیبلار.

قید ائدک کی، نیکا شاکرمی ۲۰ سنتیابر ۲۰۲۲-جی ایل گئجه ساعتلارین‌دا تهرانین کشاورز بولواریندا یوخا چیخیب. سنتیابرین ۳۰-دا ایسه اونون والیدینلری تهرانین کهریزک حبسخاناسیندا اونون مییتینی آشکار ائدیبلر. سپاه ظابطلرینین گیزلی اجلاسینین یاییلان سس یازیسیندا نیکا شاکرمینین مأمورلار طرفیندن جین‌سی زوراکیلیغا معروض قالدیقدان سونرا ایشگه‌نجه آلتیندا اؤلدورولدویو بیلدیریلیب.