ایرانین اصفهان ایالتینین بوئین میاندشت شهرینده گورجو دیلینین تدریسینه باشلانیلیب.

Axar.az خبر وئریر کی، بو باره‌ده ایران تلویزیاسی معلومات یاییب.

بوئین میانداشت مکتبلرینده گورجو دیلی تحصیلی لایحه‌سینین اجراچی‌سی محسن اکبری تدریسین ۳ آی اولدن باشلادیغینی دئییب.

"اؤلکه‌نین رسمی دیلی فارس دیلی‌دیر، لاکن ائتنیک گروپلار اؤز دیلینی ده اؤیره‌نه بیلیرلر و بو سببدن بو ایل اؤلکه‌ده ایلک دفعه اولاراق بوئین میاندشت مکتبلرینده گورجو دیلینین تدریسینه باشلانیلیب"،- اکبری ایران تلویزیاسینا آچیقلاماسیندا بیلدیریب.

او، حاضردا ۹ اورتا مکتبده ۲۵۰ شاگردین گورجو دیلینی اؤیرندیینی سؤیله‌ییب.

اکبری گورجو دیلینین تدریسینی ایران کونستیتوسییاسینین ۱۵-جی ماده‌سینه اویغون اولاراق باشلادیلدیغینی دئییب.

قید ائدک کی، ایران کونستیتوسییانین ۱۵-جی ماده‌سی فارس دیلی ایله یاناشی دیگر یئرلی دیللرین مکتبلرده تدریسینه تاکید ائتسه ده، ۴۵ ایل عرضینده آذربایجان دیلینین تدریسی ایله باغلی هئچ بیر ایش گؤرولمه‌ییب.