ارمنیلرین ان چوخ وحشی‌لیکلر تؤرتدیکلری خوجالی‌دا بوتون مدنی عابده‌لر، قبر داشلاری داغیدیلیب.

Axar.az خبر وئریر کی، خوجالی قبیریستانلیغیندا مزارلار تانینماز حالا سالینیب.

قبیر داشلاری داغیدیلیب، اوزرلرین‌ده‌کی یازیلار قصداً سیلینیب کی، کیملیکلرینین معینلشدیریلمه‌سی ممکن اولماسین. قبریستانلیقدا دوغمالارینین مزارلارینی آختاران خوجالی ساکینلری یالنیز بیر نئچه مزاری معینلشدیره بیلیبلر.

ساکینلر دئییب کی، مزارلیقدا قبیرلر چوخ اولوب. بیر چوخ قبیردن عمومیتله هئچ بیر اثر-علامت قالماییب.

تئزلیکله همین قبریستانلیغین یاخینلیغیندا آیریلمیش اراضی‌ده شهیدلر خیابانی سالیناجاق.

قید ائدک کی، مارتین ۳۱-ده ۷ خوجالی شهیدی همین اراضی‌ده دفن اولوندو.

دفن اولونانلار خوجالی سویقیریمی زامانی قتله یئتیریلن شخصلردیر. اونلارین نعشلرینین قالیقلاری بیر نئچه گون اؤنجه خوجالیدا کوتلوی مزارلیقدا آشکار اولونموشدو.