ایرانین خاریجی ایشلر ناظرلییی آمریکاننین ایران‌داکی ماراقلارینین مدافعه‌چی‌سی کیمی ایسوچره سفیرلیینین موقتی ایشلر وکیلی کیم سیتزلری چاغیریب.

Axar.az خبر وئریر کی، بو باره‌ده خاریجی ایشلر ناظیری حسین امیر عبداللهیان ایکس حسابیندا معلومات پایلاشیب.

«صهیونیست رژیمین حمایه‌داری کیمی آمریکا حکومتینه مهم مئساژ گؤندریلیب. ترور آکتینین و اسرائیل رژیمینین جینایتینین اؤلچولری ایضاح ائدیلیب و آمریکا حکومتینین مسئولیتی وورغولانیب»،- عبداللهیان یازیب.

ایران خاریجی ایشلر ناظیری آمریکانین جوابده‌لیک داشیمالی اولدوغونا تاکید ائدیب.

قید ائدک کی، اسرائیل سورییانین پایتختی دمشقه آویاضربه‌لر ائندیریب. نتیجه‌ده ایران کونسول‌لوغو داغیلیب، سفیرلیک اقامتگاهی ایسه خسارت آلیب. حادثه نتیجه‌سینده سپاه-این ۷ یوکسک روتبه‌لی ظابطی اؤلوب.