آنا صحیفه توپلوم |
روسییانین تانینمیش پولیتولوگو سئرگئی مارکووون Axar.az-آ مصاحبهسی:
- سون گونلر ارمنستانین آذربایجانلا شرطی سرحدده حربی تئکنیکا توپلاماسینی و آتشکسین پوزولماسینی نئجه شرح ائتمک اولار؟ ارمنستان محاربه ائتمک نیتیندهدیر؟
- ارمنستان بیر نئچه سببدن آذربایجانلا سرحده حربی تئکنیکا ییغیر. بیرینجیسی، اونا گؤره کی، آذربایجانلا ارمنستان آراسیندا آذربایجان ۴ کندی ایله باغلی مذاکیره وار. بو کندلر ارمنستان طرفیندن چوخدان اشغال اولونوب و ایندی آذربایجان اونلارین گئری قایتاریلماسینی طلب ائدیر. بوندان باشقا، ارمنستان آذربایجانین عدالتلی شرطلری ایله زنگزور دهلیزینین آچیلماسینا راضی دئییل و بونا گؤره ده حربی مواقیشهدن قورخور. بوندان علاوه، ارمنستاندا آذربایجانفوبییا محیطی داوام ائدیر. اونا گؤره ده سرحدده آتمسفر گرگینلشیر. ارمنی طرفینده ایسه هر آن حربی عملیاتلارا ال آتماغا حاضر اولان رادیکال گروپلاشمالار موجوددور. ارمنستان اوردوسونون آذربایجان اوردوسوندان آچیق-آشکار ضعیف اولدوغو بیر شرایطده ایندی پاشینیانین اؤز اوردوسونون آذربایجانا قارشی هجوما کئچهجیینی تصور ائتمک چوخ چتیندیر. اما ارمنستانداکی رادیکال گروپلارین دؤیوشه-عملیاتلارا گتیره بیلن تخریباتلار یاراتماغا چالیشاجاغینی تصور ائتمک ممکوندور. چونکی اونلار آذربایجانلا ارمنستان آراسیندا ممکون صلح سازیشینی پوزماق و ارمنستانین ایکینجی قاراباغ محاربهسینده مغلوبیتینین قصاصینی آلماق ایستهییرلر و آذربایجانا قارشی کینلی نیفرتلری اساسیندا آغیلسیز حرکتلر ائتمهیه حاضیردیرلار.
اونا گؤره ده حربی عملیاتلارین باشلانماسی احتیمالی موجوددور. اوستهلیک، آبش و آوروپا بیرلیی فعال شکیلده رئگیونا داخیل اولماغا چالیشیر. آمریکا و آوروپا بیرلیی قوهلرینین بؤلگهیه گیرمهسینین سببلریندن بیری ده حربی عملیاتلارین باشلانماسی اولا بیلر.
- آمریکا و آوروپا اؤلکهلری اوردولارینین بؤلگهیه گیرمهسی روسییا اوچون قیرمیزی خط ساییلا بیلرمی؟ عمومیتله، مسکوا اوچون ایروانلا باغلی مسئلهده «قیرمیزی خط» ندیر؟
- ایندی روسییا ایله ارمنستان آراسیندا مناسبتلرده قیرمیزی خطلردن دانیشماق یقین کی، چتیندیر. روسییا حربچیلری ایله باغلی تخریباتلاردان دانیشماق اولار. لاکین قیرمیزی خطلر مسئلهسی تکجه ارمنستانین قیرمیزی خطی کئچه بیلهجک حرکتلرینه عایید دئییل، هم ده روسییانین سرت جاوابینین نه اولا بیلهجیی مسئلهسیدیر. ایندییه قدر بو سرت جاواب گؤرونمور. چونکی روسییا ارمنستانا قارشی یومشاق موقع توتماغا چالیشیر. سبب ایسه اهالیدیر. اگر پاشینیان و اونون سوروس فوندوندان اولان کومانداسی آچیق-آشکار روسییایا قارشدیریسا، ارمنستان اهالیسینین اکثریتی روسیایؤنلو اوریئنتاسییایا صادقدیر. باخمایاراق کی، بیر چوخ جهتدن فرانسایؤنلو مئییللر ده یارانیب. اما ارمنی جمعیتینده معجزوی شکیلده فرانسایؤنلو و روسیایؤنلو اوریئنتاسییا بیرلشه بیلیر. اونا گؤره ده روسییا رهبرلیگی ارمنستان رهبرلیینه سرت جاواب وئرمهمهیه چالیشیر، عکسینه، روسیاپرست اهالینین نیکولا پاشینیان باشدا اولماقلا ارمنستان رهبرلیینین آنتیروسییا حرکتلرینین قارشیسینی آلاجاغینا امید ائدرک، اساساً، اهالییه اوز توتور.
- ارمنستان-آمریکا و آوروپا رهبرلیینین بیرگه گؤروشونو نئجه قیمتلندیریسینیز؟ بو، ارمنستانین روسییادان تامامیله قوپماسی دئمکدیر؟
- ارمنستان، آمریکا و آوروپا رهبرلیینین اوچطرفلی گؤروشو بوتون رئگیون اوچون آچیق-آشکار ثابتلیگی پوزان عاملدیر. اورادا هر شئی اولدوقجا سادهدیر. آمریکا و آوروپا ارمنستانلا روسییا آراسیندا مناسبتلری کسمک، روسییانی ارمنستاندان چیخارماق و روسییانی جنوبی قافقازدان تامامیله سیخیشدیرماق اوچون ارمنستانا داخیل اولماق، روسییانین آرتان سیاسی تجریدینه نایل اولماق ایستهییرلر. بوندان علاوه، آمریکا و آوروپا اؤز حؤکمرانلیغینی برقرار ائتمک اوچون سیاسی اهمیتلی قافقاز رئگیونونو اله کئچیرمک نیتینددیرلر. اونلار اؤزلرینین کلاسسیک امپئریالیست پرنسیپی ایله حرکت ائدیرلر - پارچالا و غالیب گل. بوندان علاوه، آمریکا ایرانا قارشی گلهجک حربی عملیاتلار اوچون ارمنستان اراضیسینده حربی بازا یاراتماق آرزوسوندادیر. بوندان علاوه، آمریکا و آوروپا بیرلیینین اؤزونون ده یئر آلدیغی دونیا سیاستینده مهم رولا مالک، همچینین جنوبی قافقازدا دا آکتیو فعالیت گؤسترهن و آذربایجانین متتفیقی اولان تورکییهیه قارشی تضییق اوچون علاوه آلتلر الده ائتمک ایستهییر.
بو گؤروش ثابتلیگی پوزا بیلر، چونکی بئله گؤروشلر واسطهسیله هم آمریکا، هم ده آروپا بیرلیی جنوبی قافقازدا تدریجا حربی ائکسپانسییالارینی حیاتا کئچیریرلر. هم ده اونا گؤره کی، آمریکا و آوروپا ارمنستانا آذربایجانلا مناقیشهده دستک وئرهجکلرینی وعد ائدیر. بونونلا دا آمریکا و آوروپا ّیرلیینین موقعیی آنتیآذربایجان کاراکتری داشیییر. بئلهلیکله، آمریکا و آوروپا بیرلیی حربی عملیاتلارین برپاسینین مؤلفی اولا بیلر. اونلار ارمنستان، او جملهدن آذربایجانلا سرحدده حربی میسسییالارینی یئرلشدیرمهیه اساس الده ائتمک اوچون حربی عملیاتلارین باشلانماسیندا ماراقلیدیرلار.
تاریخ
2024.04.06 / 14:48
|
مولف
ووساله ایسگندرووا
|