چالیشدیم کی، گونئی آذربایجان موضولارینی رومان شکلینده بو تایدا تانیداق، اوخوسونلار. یازیچیلاریمیز حاقیندا معلوماتلاری اولسون.

بو سؤزلری Axar.az-آ گونئی‌لی ترجمه‌چی معصومه شکرزاده یکان فارسجادان ترجمه ائتدیی سونونجو کیتابی حاقیندا معلومات وئرکه‌ن دئییب.

او بیلدیریب کی، آذربایجان اوخوجولاری داها بیر گونئی‌لی یازار رضا براهنینین «یوردومون سیرلاری» کتابی ایله تانیش اولا بیله‌جکلر:

«تأسف کی، آرادا فاصیله اولدو. معین پروبلملر واردی. ترجمه‌یه ۲۰۱۵-جی ایلدن باشلامیشدیم. نهایت ایندی بیت‌دی. بو یاخینلاردا چاپا گئده‌جک. ائله بو گونلرده «قانون» نشریاتی ایله مقاویله ده باغلادیق. آرادا بو قدر فاصیله اولسا دا، بوش دایانمادیم. ابراهیم دارابینین «ساوالانین گؤز یاشلاری» کتابینی فارس دیلیندن لاتین الفباسیندا آذربایجان دیلینه ترجمه ائتدیم. ۲۰۲۰-جی ایلده کتاب چاپ اولوندو. بو کیتابی منیمله پارالل بیر-بیریمیزدن خبرسیز گونئی‌لی یازار خانیم مژگان سیامی ده عرب الیفباسیندا آذربایجان دیلینه ترجمه ائتمیشدی. هئچ خبریم ده اولماییب، یئنی خبر توتموشام. هله اونون ترجمه‌سینی اوخومامیشام. لاکین اوخویاجام. کیتابین مؤلفی دارابی بی منیم ترجومم ایله تانیش اولموشدو.

داها بیر کیتاب پرینوش سنیینین ملفی اولدوغو «منیم پاییم» اثری ده اوغورلو ترجمه‌لردن ایدی. ۲۰۱۵-ده چاپ اولونوب. ائله ایلک گوندن ده یاخشی ساتیلدی و اوخوجولار یوکسک دیرلندیردیلر».

او، ترجمه ایشینه هوسکار اولاراق وورغولاییب:

«بیر ده شرق قادینلارینین مشترک پروبلملری حاقین‌دا موضوعلار منی دوشوندورور . اونا گؤره هوسکار اولاراق ترجمه‌یه باشلامیشدیم، اؤزومو ادبیات‌چی حساب ائتمیرم».