آنا صحیفه توپلوم |
سپاه کوماندیرلرینین گیزلی اجلاسینین اله کئچیریلن سس یازیسیندا اعتراض آکسییالاری زمانی حبس ائدیلهن ۱۶ یاشلی یئنییئتمه قیز نیکا شاکرمینین جینسی زوراکیلیغیا معروض قالدیقدان سونرا اؤلدورولدویو معلوم اولوب.
Axar.az خبر وئریر کی، بو بارهده بی.بی.سی معلومات یاییب.
«حبس ائدیلهن نیکا شاکرمی تجریدخانایا آپاریلارکهن یولدا آوتومبیل داخیلینده آرش کلهور آدلی مأمور جورابلا اونون آغزینی باغلاییب، صادق منجزی آدلی مأمور ایسه اونا قارشی جینسی زوراکیلیق ائدیب»،- معلوماتدا بیلدیریلیب.
بوندان سونرا یئنییئتمه قیزین ائوین حبسخاناسینین تجریدخاناسینا آپاریلدیغی، اورادا اعتراف آلماق اوچون ایشگهنجه آلتیندا اؤلدورولدویو و جسدینین تهرانین «یادگار» ماگیسترال یولونا آتیلدیغی قید ائدیلیب.
خاطرلاداق کی، نیکا شاکرمی ۲۰ سنتیابر ۲۰۲۲-جی ایل گئجه ساعتلاریندا تهرانین کشاورز بولواریندا یوخا چیخیب. سنتیابرین ۳۰-دا ایسه شاکرمینین والیدینلری تهرانین کهریزک حبسخاناسیندا اونون مئییتینی آشکار ائدیبلر.
حکومتین رسمی معلوماتیندا نیکا شاکرمینین بینادان ییخیلاراق اؤلدویو ادعا ائدیلیب.
تاریخ
2024.04.30 / 12:36
|
مولف
Axar.az
|