بابک زنجانینین افو طلبینه عدلیه اورقانلاری طرفین‌دن باخیلیب، محکمه حاکمیتینین باش‌چی‌سینین تصدیقی و علی خامئنئینین راضی‌لیغی ایله بابک زنجانینین اعدام جزاسی ۲۰ ایل حبسله دییشدیریلیب.

Axar.az خبر وئریر کی، بو باره‌ده ایران مئدیاسی معلومات یاییب.

قئید ائدک کی، اصله‌ن گونئی آذربایجانین زنجان شهرین‌دن اولان بابک زنجانی ۱۹۹۹-جو ایلده‌ن ایران مرکزی بانکینین رهبری محسن نوربخشی‌نین خیدمتی سوروجوسو اولوب.

سپاه-لا علاقه‌لی ایشله‌یه‌ن زنجانی ایرانین ان وارلی آداملاریندان بیری اولوب. ایران اوچون قانون‌سوز نفت سازیشلری حاضیرلاماغا کمک ائتمک‌ده گناهلاندیریلان زنجانینین آدی آمریکا و آوروپا بیرلیینین قارا سیاهی‌سینا سالینیب.

او، امارات، ترکییه و مالازییادا شیرکتلر آچیب، حکومتین آدیندان میلیونلارلا بارل ایران نفتی ساتدیغینی بوینونا آلمیشدی.

زنجانینین وار-دولتینین، تخمیناً، ۱۳،۵ میلیارد دلار اولدوغو دئییلیر.

۲۰۱۳-جو ایلین دکابر آییندا حبس اولونان میلیاردر اوزون محکمه پروسسین‌دن سونرا اعدام جزاسینا محکوم ائدیلیب.

بوندان اول ایران رسمیلری بابک زنجانینین منیمسدیی پوللاری دولته قایتاردیغی حالدا اونون ایشینه یئنی‌دن باخیلاجاغی، اؤلوم حکمونون دییشدیریله بیلجیینی دئمیشدیلر.