ایران حکومتینین بوتون تبلیغاتلارینا و مجبوری تطبیقلرینه باخمایاراق، ایران‌لیلار غززا زولاغی اوچون حکومتین باشلاتدیغی یاردیم کامپانییاسینا قوشولماقدان امتیناع ائدیر. بو، حکومتین اعلان ائتدیی یاردیم مبلغینین آز اولماسیندان دا معلوم اولور.

Axar.az خبر وئریر کی، سون رسمی استاتیستیکایا گؤره، ۷ اوکتیابر ۲۰۲۳-جو ایلدن بری ۹۰ میلیونا یاخین اهالیسی اولان اؤلکه وطنداشلاری طرفیندن غززا اوچون ییغیلان یاردیم ۱۶۰ میلیارد تومن - تخمیناً، ۲ میلیون ۸۰۰ مین دوللارا برابردیر.

همین مدت عرضینده ایسه وطنداشلار سئل و باشقا بو کیمی طبیعی فلاکتلردن ضرر چکه‌نلر اوچون غززایا ییغیلان یاردیم‌دان بیر نئچه قات آرتیق وسایت توپلاییبلار.

غززا اوچون ییغیلان ۲ میلیون ۸۰۰ مین دوللارین چوخو کؤنوللو اعیانه‌لردن عبارت دئییل. بو مبلغ دولت قوروملاریندا فعالیت گؤستره‌ن ایشچیلرین معاشیندان مجبوری شکیلده یاردیم حسابینا کؤچورولوب.

بونا گؤره ده حکومت قوروملارینین، خصوصیله غززایا یاردیم توپلاماق اوچون داواملی کامپانییالار تشکیل ائد‌ن قیزیل آیپارا جمعیتی و قم‌داکی دینی مرکزلرین جهدلرینین تامامیله افلاسا اوغرادیغینی دئمک اولار.

بو، هم ده اسرائیله قارشی نماییشلرین و غززایا دستک آکسییالارینین ایشتیراکچیلارینین ساینین گونو-گون‌دن آزالماسی ایله مشایعت اولونور. گونوموزه کیمی حکومت ایشچیلری، طلبه‌لر و باشقا بو قبیلدن اولان وطنداشلارین مجبوری آکسییالارا جلب ائدیلمه‌سی جهدلری ده ایشه یارامیر.

وطنداشلاری یاردیم و دستک آکسییالارینا جلب ائده بیلمه‌ین حکومت، بونون اوچون سپاه-ین افقانستان و پاکستان شیعه‌لرین‌دن تشکیل وئردیی «فاطیمیون» و «زینبیون» گروپلاشمالارینین، همچینین ایراندا یاشایان افقانستانلی قاچقینلارین خیدمتیندن استیفاده ائدیر.

تئران حکومتی افقانستانلی قاچقینلارا اسرائیله قارشی کئچیریلن تدبیرلرده اشتیراک مقابیلینده ارزاق یاردیمی ائدیر، اونلارین اؤلکه‌ده یاشاماسی ایله باغلی اجازه مدتینی آرتیریر.

بونونلا عینی واخت‌ا ایران‌لیلارین حاکمیتین اسرائیل ایله باغلی سیاستینی، حماس و لیوان حیزبوللاهینا دسته‌ینیی قینایان «نه غززا، نه لیوان، جانیم ایرانا قربان» شعاری یئنی‌دن گونده‌مه گلیب

ایلک دفعه ۱۸ سنتیابر ۲۰۰۹-جو ایلده حکومتین «قدس گونو» آکسییاسینا اعتراض اولاراق سسلندیریلن بو شعار، سون آیلار یئنیدن دب اولوب، نماییشلرده سسلندیریلیر و شهر کوچه‌لرینین دیوارلارا یازیلیر.