الکتروموبیله اولان طلباتی نظره آلاراق آذربایجان‌دا نوبتی ایللرده بو تیپ آوتوموبیللرین استحصلی و اخراجی ایله باغلی لایحه‌لر گؤزلنیلیر.

Axar.az خبر وئریر کی، بونو آذربایجان ماشین و آوادانلیق استحصال‌چیلاری آسوسیاسییاسینین اجراچی دیرکتورو گولای حسنووا دئییب.

او بیلدیریب کی، عمومی‌لیکده ۲۰۲۴-جو ایلده آذربایجاندا ۸۰۰۰ آوتوموبیل استحصالی نظرده توتولوب کی، بونلاردان ۶۰۰۰-ی مینیک آوتوموبیللری، ۲۰۰۰-ی ایسه یوک آوتوموبیللری و آوتوبوسلاردیر.

اجراچی دیرکتورون سؤزلرینه گؤره، آوتوموبیللرین قیمتی ۱۷ مین ۸۰۰ ماناتدان باشلاییر و بو رقم ۱۶۰ مین ماناتا قدر دییشیر.

دولت استاتیستیکا کمیته‌سینین معلوماتینا گؤره، بو ایلین یانوار-آپرل آیلاریندا آذربایجان‌دا ۲۵۴ عدد (ایل عرضینده ۷۵،۲ % آرتیب) یوک آوتوموبیلی و ۹۴۸ عدد (-۲۴،۷ %) مینیک آوتوموبیلی استحصال ائدیلیب.