تهرانین انقلاب محکمه‌سی‌نین ۲۹-جو بؤلمه‌سی حاضردا ائوین حبس‌خاناسیندا ساخلانیلان گونئی آذربایجانلی حقوق مدافعه‌چی‌سی و ۲۰۲۳-جو ایل نوبل صلح مکافاتی لاورئاتی نرگس محمدی‌نین حبس مدتینی داها بیر ایل اوزادیب.

Axar.az خبر وئریر کی، بو باره‌ده اونون وکیلی مصطفی نیلی معلومات یاییب.

او، محمدینین محکوملوق دورونون "حکومت علیهینه تبلیغات" اتهامینا گؤره آرتیریلدیغینی دئییب.

"خانیم محمدی حبس‌خانادان ایراندا کئچیریلن پارلامنت سئچکیلرینی بویکوتا چاغیردیغینا، سوئد و نوروژ پارلامنتلرینه یازدیغی مکتوبا گؤره جزالاندیریلیب"،- نیلی بیلدیریب.

قید ائدک کی، گونئی آذربایجانین زنجان شهرینده دوغولان نرگس محمدی ۱۲ ایل ۳ آی حبس، ۱۵۴ شلاق جزاسینا محکوم ائدیلیب و حاضردا تهرانین ائوین حبس‌خاناسین‌دا ساخلانیلیر.