خاریجده فعالیت گؤسترهن و شاهچیلارا منصوب "من و تو" تلهکانالی ایران پرزیدنتلیینه تورک نامزد مسعود پزشکیانی یئنیدن هدف آلیب.
Axar.az خبر وئریر کی، بو بارهده تلهکانالین سوسیال مئدیا حسابیندا پایلاشیم ائدیلیب.
"پرویز محمدینین نقدهده مسعود پزشیکیانین سئچکی قرارگاهینین رهبری تعیین ائدیلمهسی بارهده مکتوبونون درجی سوسیال شبکهلرده غضب دالغاسینا و منفی رئاکسییالارا سبب اولوب. مکتوبدا نقده شهری عوضینه ملتچیلر آراسیندا مشهور اولان آددان استفاده اولونوب"،- پایلاشیمدا یازیلیب.
قید ائدک کی، "نقده" غربی آذربایجان ایالتینین تورکلرله کوردلر آراسیندا مباحثه و مناقیشه موضوعسونا چئوریلن شهرلریندن بیریدیر.
شهرین تاریخی تورکجه آدی سولدوز اولسا دا، بو سونرادان دییشدیریلهرک نقده ائدیلیب.
بونا باخمایاراق آذربایجانلیلارین و ایراندا یاشایان تورکلرین اکثریتی شهری تاریخی تورک آدی سولدوزلا تانیییر، یازیر و چاغیریرلار. .
مسعود پزشکیانین مکتوبوندا نقده آدی عوضینه سولدوز سؤزونو یازماسیندان اونا قارشی استفاده ائدیلیر و پرزیدنتلییه نامزد ملتچیلیکده گناهلاندیریلیر.