آنا صحیفه توپلوم |
سئچکیلرین یئکون نتیجهلری معین اولوب.
معلوماتا گؤره، عمومیلیکده ۳۰ ۵۳۰ ۱۵۷ سس ساییلیب. آذربایجانلی نامیزد مسعود پزشکیان ۱۶ ۳۸۴ ۴۰۳ سس ایله پرزیدنت سئچکیلرینین غالیبی اولوب.
بیلدیریلیب کی، سئچیجی فعاللیغی ۴۹،۸ فایز اولان سئچکیلرده مسعود پزشکیان ۵۳،۶ فایز سس توپلایاراق ایرانین ۹-جو پرزیدنتی سئچیلیب.
سعید جلیلی ایسه ۱۳.۵۳۸.۱۷۹ سس توپلاییب.
***
حاضردا ساییلان سسلرین سایی ۱۳.۵۵۰.۲۸۰-ا قالخیب.
داخلی ایشلر ناظیرلیی-نین معلوماتینا گؤره، مسعود پزشکیان ۶.۹۳۹.۹۵۵ سسله لیدردیر.
سید جلیلی ۶.۳۵۹.۰۹۹ سس توپلاییب.
***
ایرانین پایتاختی تهران، ائلجه ده گونئی آذربایجانین تبریز، اورمیا و دیگر شهرلرینده سئچیجیلر کوچهلره آخیشاراق، مسعود پزشکیانین غلبهسینی قید ائدیرلر.
Axar.az خبر وئریر کی، بو بارهده سوسیال شبکهلرده گؤرونتولر پایلاشیلیب.
گؤرونتولرده انسانلارین ماشینلارینی یولدا ساخلادیغی، موسیقی صدالاری آلتیندا رقص ائتدیی عکس اولونوب.
قید ائدک کی، سئچکیلرین یکون نتیجهلری آچیقلانماییب. حاضردا سسلرین ساییلماسی پروسسی حیاتا کئچیریلیر.
***
ایران داخلی ایشلر ناظیرلیی بو واختا قدر ساییلان سسلرین سایینی آچیقلاییب.
بیلدیریلیب کی، ۲.۵۴۷.۳۸۱ سس ساییلیب. مسعود پزشکیان ۱.۲۶۳.۸۷۴، سید جلیلی ایسه ۱.۲۴۴.۶۴۰ سس توپلاییب.
***
سوسیال مدیا حسابلاریندا آرتیق مسعود پزشکیانین غالب اولدوغو ایله باغلی معلوماتلار یاییلیر.
پزشکیانی غالب اعلان ائدن سوسیال مدیا حسابلاری آراسیندا ایرانین گوج ایستروکتورلارینا عاید کاناللار دا وار. بئله کی، سپاه-آ باغلی سوسیال مدیا کانالی «حسینیون آذربایجان» مسعود پزشکیانین سید جلیلیدن اؤنده اولدوغونو یازیب.
محافظهکار سیاسی جریانا منصوب مدیا ارگانی «صابرین نیوز» دا جلیلینین مغلوبیتینی قبول ائدیب.
سپاه-این ۵۰۰ مین آبونهچیسی اولان «کانال سپاه پاسداران» دا پزشکیانین ۱۶ میلیون سسله غلبه چالدیغینی اعلان ائدیب.
قید ائدک کی، سسوئرمه یئرلی واختلا ۰۰:۰۰-دا باشا چاتیب. حاضردا سسلر ساییلیر، رسمی نتیجه اعلان ائدیلمهییب.
***
غیر-رسمی معلوماتلارا گؤره، حاضردا مسعود پزشکیان ۱۴.۲۱۰.۰۰۰، سید جلیلی ۱۲.۱۰۱.۰۰۰ سس توپلاییب.
***
شرقی آذربایجان ایالتینین کلیبر رایونونون یکون نتیجهلری ایله باغلی غیر-رسمی معلوماتلارا گؤره، پزشکیان ۲۷۳۴۲، جلیلی ایسه ۲۹۲۹ سس توپلاییب. ۷۱ سس اعتبارسیز ساییلیب.
***
تبریز مدیاسینین یازدیغینا گؤره، بو واختا کیمی ۲۲ میلیوندان چوخ سس ساییلیب.
حاضردا مسعود پزشکیان ۱۲.۲۵۰.۰۰۰، سید جلیلی ایسه ۱۰.۳۰۰.۰۰۰ جیواریندا سس توپلاییب.
***
غیری-رسمی معلوماتلارا گؤره، ایندییه قدر ساییلان بولتنلره اساساً، پزشکیان ۸ میلیون ۲۰۰ مین، جلیلی ۶ میلیون ۸۰۰ مین سس توپلاییب.
قید ائدک کی، سسوئرمه یئرلی واختلا ۰۰:۰۰-دا باشا چاتیب. حاضردا سسلر ساییلیر. سئچکیده ۳۰ میلیون سئچیجی سس وئریب.
***
۱۵۷۵۰ سئچکی قوتوسونون ساییلان سسلرینین نتیجهلری بللی اولوب.
مسعود پزشکیان: ۲ میلیون ۵۰۰ مین سس
سید جلیلی: ۲ میلیون ۳۰۰ مین سس
قید ائدک کی، عمومیلیکده ۵۸۶۴۰ سئچکی قوتوسو موجوددور.
***
پزشکیانا یاخین منبعلر: غیر-رسمی- بو دقیقهیه قدر ساییلان سسلرین نتیجهلرینه گؤره، مسعود پزشکیان تهران، کرمانشاه، کوردوستان، شرقی آذربایجان، اردبیل، زنجان و سیستان و بلوچستان ایالتلرینده اؤندهدیر.
***
۰۱:۱۰
غیر-رسمی منبعلره استنادا، بو دقیقهیه قدر سیستان و بلوچستان ایالتینده سسلرین ۸۹%-ی پزشکیانا وئریلیب
***
شرقی آذربایجانین خودافرین رایونوندا سسلرین ساییلماسینین ایلکین نتیجهلری:
مسعود پئزئشکیان: ۱۵.۳۰۰
سید جلیلی:۱.۷۳۱
شرقی آذربایجانین هوراند رایونونون سون قطعی نتیجهلری: پزشکیان ۱۱۶۰۰، جلیلی ۱۷۷۲
***
پزشکیان: ۵۸%
جلیلی: ۴۰%
اعتبارسیز: ۲%
***
۰۰:۳۶
ایراندا ایونون ۵-ی یئرلی واختلا سحر ساعت ۰۸-دن بشلایان پرزیدنت سئچکیسینین ایکینجی تورو ساعت ۰۰:۰۰-دا سونا چاتدی.
بو بارهده ایران سئچکی قرارگاهی معلومات یاییب.
رسمی معلوماتا گؤره سئچیجی فعاللیغی بیرینجی توردان چوخ اولوب و سئچکی پروسسینده ۳۰ میلیون نفر اشتراک ائدیب.
قید ائدک کی، ایراندا ۶۱ میلیون ۴۵۲ میندن چوخ سئچیجی وار. سئچکی پروسسینده ۶۰ مینه یاخین سئچکی منطقهسی فعالیت گؤستریب.
ایونون ۲۸-ده کئچیریلهن بیرینجی توردا آذربایجانلی نامزد ۱۰ میلیون ۴۱۵ مین، اونون رقیبی سید جلیلی ایسه ۹ میلیون ۴۷۳ مین ۲۹۸ سس توپلاییب.
***
۲۳:۱۰
شرقی آذربایجان، لرستان، کرمانشاه و کوردوستان ایالتلرینین بیر نئچه رایونونون کندلرینده پرزیدنت سئچکیلرینین ایلکین نتیجهلری اعلان ائدیلیب.
بو بارهده یئرلی منبعلر معلومات یاییب.
آدی چکیلهن ایالتلرین کندلرینده ساییلان سسلرین نتیجهلرینه گؤره، مسعود پزشکیان بؤیوک فرقله رقیبی سید جلیلیدن اؤندهدیر.
شرقی آذربایجان ایالتینده سئچیجی فاللیغینین بیرینجی تورا نسبتا آرتدیغی بیلدیریلیر.
ایالتین ورزقان، خدافرین، کلیبر رایونلارینین یوزلرله کندینده سسلر ساییلیب، بعضی بؤلگهلرده پزشکیان رقیبیندن بیر نئچه دفعه چوخ سس توپلاییب.
قید ائدک کی، کندلر و قصبهلرده سئچیجی سایی آز اولدوغونا گؤره، سسوئرمه تئز بیتیب و ساندیقلار آچیلاراق سسلر ساییلیب.
بؤیوک شهرلرده سسوئرمه داوام ائدیر.
ورزقانین ۳۹ کندینده: پزشکیان ۱۰،۰۰۰، جلیلی ۷۷۱ سس توپلاییب.
آبیش احمد: پزشکیان ۸۹۰۹، جلیلی ۹۴۰.
***
۲۱:۳۰
بو گون ایراندا کئچیریلهن نوبهدنکنار پرزیدنت سئچکیلرینده سسوئرمه مدتی یئرلی واختلا ساعت ۲۲:۰۰-دک اوزادیلیب.
***
۱۸:۵۰
ایراندا کئچیریلهن پرزیدنت سئچکیلرینین ایکینجی تورونون مدتی ۲ ساعت آرتیریلدی.
Axar.az خبر وئریر کی، بو بارهده ایران داخل ایشلر ناظیرلیی معلومات یاییب.
***
یئرلی واختلا سحر ساعت ۰۸-دن، باکی واختی ایله ساعت ۰۸:۳۰-دان ایراندا پرزیدنت سئچکیلرینین ایکینجی تورو باشلاییب.
معلوماتدا سئچکی پروسسینین یئرلی واختلا ساعت ۲۹:۰۰-آ کیمی داوام ائدجیی بیلدیریلیب.
قئیری رسمی معلوماتلارا گؤره سئچیجی فعاللیغی آشاغی سوییهدهدور.
۱۲:۰۰
بیر آز اول ایران پرزیدنتینین و صلاحیتلرینی اجرا ائدن محمد مخبر ۱۴-جو پرزیدنت سئچکیلری اوچون کئچیریلن سسوئرمه پروسسینده اشتراک ائدیب.
بو بارهده ایران مئدیاسی معلومات یاییب.
معلوماتا گؤره، محمد مخبر ایرانین داخلی ایشلر ناظرلیینین بیناسیندا سس وئریب.
***
۱۱:۵۹
پزیدنتلییه نامزد مسعود پزئشکیان بو گون تهران شهرینین قالا حسن خان بؤلگهسینده یئرلشن "عاشورا" مکتبینده سس وئریب.
بو بارهده ایران مئدیاسی معلومات یاییب.
قید ائدک کی، قالا حسن خان بؤلگهسی تهرانین یوخسول محلهلریندن ساییلیر و بورادا یاشایانلارین اکثریتی تورکلردیر.
***
۱۱:۱۲
مسعود پزشکیانین رقیبی سعید جلیلینین سئچکی قرارگاهینین عضولری سئچیجیلره ۳۰۰ مین توئمنلیک (۸ آزن) هدیه کارتلاری و ارزاق باغلامالاری پایلایاراق، اونلاری جلیلییه سس وئرمهیه چاغیریرلار.
Axar.az خبر وئریر کی، بو بارهده یئرلی مجاهدهچیلرین پایلاشیملاریندا معلومات وئریلیب.
قید ائدک کی، قیسا مدت اول کئچمیش خاریجی ایشلر ناظری و پزشکیانین سئچکی قرارگاهینین عضوو محمد جواد ظریف ده بو بارهده پایلاشیم ائدیب.
او، جلیلینی وطنداشلارین احتیاجلاریندان سو-استفاده ائدرک سس توپلاماقدا گناهلاندیریب.
***
۱۰:۴۲
ایرانین کئچمیش اصلاحاتچی پرزیدنتی محمد خاتمی بو گون پرزیدنت سئچکیلرینین ایکینجی توروندا مسعود پزشکیانا سس وئریب.
بو بارهده خاتمییه یاخین سوسیال مئدیا کاناللاری معلومات یاییب.
خاتمیدن سسوئرمهدن سونر اوندان مصاحیبه گؤتورمک ایستهیهن ایران تلویزیاسینین امکداشلارینین سواللارینی جوابلاندیرماقدان امتنا ائدیب.
قید ائدک کی، کئچمیش پرزیدنت بوندان اول بیانات یایاراق مسعود پزشکیانی دستکلدیینی آچیقلامیشدی.
***
۱۰:۱۲
پرزیدنت سئچکیلرینین ایکینجی تورونون باشلاماسی و تبلیغات-تشویقات کامپانییالارینین دایاندیریلماسینا باخمایاراق، مسعود پزشکیانا قارشی تبلیغات داوام ائتدیریلیر.
بو بارهده یئرلی مشاهدهچیلر و فعاللار معلومات یاییب.
اونلارین سؤزلرینه گؤره، سعید جلیلینین سئچکی قرارگاهی بؤلگهلردهکی دین خادملرینه مئساژلار گؤندرهرک پزشکیانا قارشی تبلیغات، جلیلینین خیرینه وطنداشلاری سئچکیلیه جلب ائتمک مقابیلینده هر بیرینین کارتینا ۲ میلیون تومن (۵۰ آزن) کؤچورولجیی بیلدیریلیر.
بونونلا یاناشی کیچیک شهرلرده و کندلرده گزن ملالار ساده وطنداشلارا مسعود پزشکیانین مسیحیلیی تبلیغ ائتدیی و اسلام دینینه تهلوکه اولدوغو دئییلیر.
***
۰۹:۰۰
بو مرحلهده تبریزین ایران پارلامئنتیندهکی نمایندهسی مسعود پزشکیانلا علی خامنه اینین عالی میللی تهلوکهسیزلیک شوراسینداکی نمایندهسی سید جلیلی مباریزه آپاراجاق.
سئچکی یئرلی واختلا ساعت ۱۸:۰۰-دا کیمی داوام ائدجک، سسوئرمه واختینین اوزادیلاجاغی احتیمال ائدیلیر.
ایراندا ۶۱ میلیون ۴۵۲ میندن چوخ سئچیجی وار. سئچکی پروسئسینده ۶۰ مینه یاخین سئچکی منطقهسی فعالیت گؤستریر.
ایونون ۲۸-ده کئچیریلهن بیرینجی توردا آذربایجانلی نامیزد ۱۰ میلیون ۴۱۵ مین، اونون رقیبی سیعد جلیلی ایسه ۹ میلیون ۴۷۳ مین ۲۹۸ سس توپلاییب
تاریخ
2024.07.06 / 09:15
|
مولف
جاویدان
|