واشینگتن مسعود پزشکیانین پرزیدنت سئچیلمهسیندن سونرا اسلام رسپوبلیکاسینین داورانیشیندا هر هانسی دییشیکلیک گؤزلمیر و آمریکا بو اؤلکهنین یئنی پرزیدنتلییی دؤورونده ایرانلا نوه دانیشیقلارینی برپا ائتمهیه حاضر دئییل.
Axar.az خبر وئریر کی، بو سؤزلری آغ ائوین ملی تهلوکهسیزلیک شوراسینین سؤزچوسو جون کربی دئییب.
او، ایرانین حماس، لیوان حزب اللاهی و یمن حوثیلری کیمی ترورچو گروپلاری دستکلهمهیه داوام ائتدیینی، تهرانین گناهسیز اوکراینالیلارین اؤلدورولمهسینده استفاده اولوناجاق پیلوتسوز اوچوش آپاراتلاری، درون تکنولوگییالارینی روسییایا وئردیینی سؤیلهییب.
"تهرانین پروکسی گروپلارینا و روسییانین اوکراینایا قارشی محاربهسینه داواملی دستیینی نظره آلاراق، آمریکانین اسلام رسپوبلیکاسینین نووه پروگرامی اوزره دانیشیقلارین برپاسینا جوابی یوخ اولاجاق"،- کربی وورغولاییب.
قید ائدک کی، بینالخالق اتم انرژیسی آگنتلیینین سون مخفی حساباتینین نتیجهلری گؤستریر کی، ایران زنگینلشدیریلمیش اوران احتیاطینی آرتیریب.