ارمنیستان-آذربایجان پروسئسی ایله باغلی بیر نئچه آچیق مسئله هله ده قالماق‌دادیر.

Axar.az خبر وئریر کی، بو باره‌ده آذربایجان کونستیتوسییا محکمه‌سینین صدری فرهاد آبدوللایئوین محکمه‌نین فعالیته باشلاماسینین ۲۶-جی ایلدؤنومو ایله علاقه‌دار یازدیغی مقاله‌ده قید اولونوب.

اونون سؤزلرینه گؤره، بو باره‌ده آذربایجان پرزیدنتی ایلهام علیئو ده ایونون ۶-دا تورکپا-نین نماینده هئیتینی قبول ائدرکن بیلدیریب:

"ارمنیستانین کونستیتوسییاسی ایله باغلی مهم مقاما توخوناراق دؤولتیمیزین باش‌چیسی تام حاقلی اولاراق وورغولاییب کی، ارمنیستانین حاضیرکی کونستیتوسییاسی دییشمز قالدیغی حالدا ارمنیستانلا آذربایجان آراسیندا صلح سازیشینین باغلانماسی ممکون دئییل.

بو گون آذربایجان دؤولتی و خالقی فورمالاشمیش یئنی رئاللیقلار شرایطینده قورورلا و ایناملا اؤز اینکیشافینین نؤوبتی، تامامیله یئنی مرحله‌سینه قدم قویوب.

۲۰۲۴-جو ایل فورالین ۱۴-ده آندایچمه مراسیمینده‌کی نیطقینده دؤولتیمیزین باش‌چیسی ایلهام علیئو قید ائدیب کی، ایندی یئنی دؤور باشلاییر. محترم جناب پرزیدنتین قید ائتدیی کیمی، «بیز بو دؤوره آلنیمیز آچیق، اوزوموز آغ، باشیمیز دیک داخیل اولوروق».