دونیا سوییه‌سینده انسان حاقلارینی مدافعه ائد‌ن و بو ساحه‌ده آراشدیرمالار آپاران انسان حاقلاری مشاهیده‌چیلری تشکیلاتی گونئیلی ایشچی حرکاتی فعالی شریفه محمدییه وئریلن اعدام حؤکمونو پیسله‌ییب.

Axar.az خبر وئریر کی، تشکیلات بو باره‌ده یایدیغی بیاناتدا بیلدیریب.

بیاناتدا ایرانین یئنی پرزیدنتی مسعود پزشکیان‌دان «رئال دییشیکلیکلر» ائتمک اوچون اؤلوم حؤکملرینی دایاندیرماقلا باشلاماسی ایسته‌نیلیب.

«ایران حکومتی نه‌اینکی آمانسیز شکیلده قادین فعاللاری هدفه آلیر، هم ده اتنیک آزلیقلارا عایید قادینلارا داها چوخ رئپرئسسییالار و هجوملار حیاتا کئچیریر. اگر مسعود پزشکیان رئال دییشیکلیین نماینده‌سی اولدوغونو گؤسترمک ایسته‌ییرسه، اوندا بو یؤنده آددیم آتماغا باشلاسین»،- تشکیلاتین ایران مسئله‌لری اوزره آراشدیرمالارینین رهبری ناهید نقشبندی دئییب.