ایرانین آذربایجان رسپوبلیکاسینداکی کئچمیش سفیری و بینالخالق مسئلهلر اوزره اکسپرت محسن پاکآیینین "قاراباغ مناقیشهسی؛ باشلانغیجان سونادک" (ایرانین واسطهچیلیک آددیملاری) آدلی کیتابی چاپ ائدیلیب.
Axar.az خبر وئریر کی، بو بارهده ایران مئدیاسی معلومات یاییب.
"فرهنگ سبز" نشریاتی طرفیندن نشر اولونان ۱۹۶ صحیفهلیک کیتابدا قاراباغ، بیرینجی و ایکینجی قاراباغ محاربهلری ایله باغله حقیقتلرین بیر چوخو تحریف اولونموش شکیلده تقدیم اولونوب.
ایران رسمیلرینین بیر سیرا ادعالارینی یئنیدن تکرار ائدن پاکآیین، ایرانین آذربایجانا یاردیملاریندان، ایران رسمیلرینین قاراباغ مناقیشهسینین حلی اوچون دستهییندن بحث ائدیب.
محسن پاکآیین قاراباغ مسئلهسینین حل اولونماسیندا ایران رهبری علی خامنهاینین بیاناتلاری و موقعینین اهمیتلی رول اوینادیغینی ادعا ائدیب.
تمامیله ایرانین سیاسی-ایدئولوژیک ماراقلارینا اویغون شکیلده ترتیب ائدیلن کیتابدا بیر نئچه دولتین، خصوصیله اسرائیلین جنوبی قافقازدا اؤزونه یئر ائتمک اوچون قاراباغ مناقیشهسیندن استیفاده ائتدیی یازیلیب.
محسون پاکآیین بوندان اول ایران رسمیلرینین قاراباغ ارمنیلری ایله باغلی ناراحاتلیقلارینی تکرار ائدیب، ارمنیلرین حقوقلارینین و تهلوکهسیزلیکلرینین تامین اولونماسینین واجیبلیینی قید ائدیب.