آوگوستون ۳۱-ده تهلوکه‌سیزلیک مأمورلاری طرفیندن اردبیل‌ده‌کی شخصی منزیلینده حبس ائدیلن کئچمیش سیاسی محکوم عباس لسانی، ۲ ایللیک سورگون جزاسینی چکمک اوچون مجبوری شکیلده یزد شهرینه آپاریلیب.

Axar.az خبر وئریر کی، بو باره‌ده اونون عائله‌سی معلومات یاییب.

بیلدیریلیب کی، ملی حرکات فعالی یزد شهرینین تهلوکه‌سیزلیک اداره‌سینه آپاریلیب، اورادا تهدید ائدیلیب.

او، سورگون جزاسینا تابع اولمایاجاغی تقدیرده باره‌سینده داها آغیر جزا تدبیرلری گؤروله‌جه‌یی، جزا مدتینین آرتیریلاجاغی ایله هده‌لنیب.

عباس لسانی، باره‌سینده چیخاریلان عدالت‌سیز و قانون‌سوز سورگون جزاسی قرارینا تابع اولمایاجاغینی بیلدیریب.

ملی حرکات فعالینین عائله‌سینین وئردییی معلوماتا گؤره، او، تهلوکه‌سیزلیک اداره‌سیندن بوراخیلدیقدان سونرا اردبیله گئری قاییتماق اوچون یزد شهرینین آوتوواغزالینا(ترمینال اتوبوسرانی یه) یوللانیب.

خاطرلاداق کی، عباس لسانی، ۲۱ فئورال ۲۰۲۳-جو ایل تاریخینده ۴ ایل ۲ آیلیق حبس جزاسینی چکدیک‌دن سونرا، "عمومی آمنیستییا (عفو) و جزالارین آزالدیلماسی" حاققیندا فرمان اساسیندا اردبیل حبسخاناسین‌دان آزاد ائدیلیب.

حقوق‌شناس محمدرضا فقیهی بیلدیریب کی، اگر لسانی عمومی آمنیستییا ایله آزاد ائدیلیبسه، یزد شهرینده‌کی مجبوری سورگون جزاسی دا همین آمنیستییایا داخیل اولمالی ایدی.

بو سبب‌دن، ملی فعالین آزادلیغا بوراخیلدیقدان سونرا یزد شهرینه کؤچورولمه‌سی و جزاسینین آرتیریلماسینین حقوقی اساسی یوخدور.