اردبیللی مدنی فعال رامین شاهنده اردبیل شهرینین بلدییه باشچیسی محمود صفری‌نین شکایتی اساسیندا ۶ آی حبس و ۱۰ میلیون تومن جریمه جزاسینا محکوم ائدیلیب.

Axar.az خبر وئریر کی، بو باره‌ده انسان حاقلاری فعاللاری معلومات یاییب.

رامین شاهنده بلدییه‌نین آذربایجانین تاریخی اثرلرینه لاقیدلییی، اردبیل شهرینین یاشیللیقلارینین داغیدیلماسی، شهر انفراستروکتورونون برباد وضعیتده اولماسی باره‌ده‌کی پایلاشیملارینا گؤره جزالاندیرلیب.

بونونلا یاناشی آذربایجانلی فعالین ۲ ایل مدتینه سوسیال مئدیادا فعالیتینه قاداغا قویولوب.

"باره‌م‌ده چیخاریلان محکمه قراری سیاسی کاراکترلی‌دیر. بو قرارین منیم و خالقیمیز اوچون هئچ بیر اهمیتی یوخدور، من ساده‌جه حقیقتلری یازمیشام و بونا گؤره جزالاندیریلیرام"،- رامین شاهنده سونونجو پایلاشیمیندا قید ائدیب.