آیرات گیمرانووون کریمینال دسته‌سی ۱۹۹۰-جی ایللرین اوللریندن ۱۹۹۹-جو ایله قدر سانکت-پطربورگدا فعالیت گؤسترن متشکل جنایتکار گروپ ایدی.

فوتودا افغانیستان محاربه‌سینین اشتراکچی‌سی آیرات کاویئویچ گیمرانووو گؤرورسونوز. ابولفظل ائلچی‌بیین آذربایجان پرزیدنتی اولدوغو دورده اونا قارشی سوءقصد تشکیل ائتمک امرینی آلان روسییانین ان تهلوکه‌لی جنایتکار دسته‌سینین رهبری اولان آیرات ۱۹۶۱-جی ایلده باشقیردیستان‌دا آنادان اولوب. ریاضان عالی حربی هاوا قوه‌لری مکتبینی فرقله‌نمه ایله بیتیریب. ۱۹۸۲-۱۹۸۴-جو ایللرده افغانستان‌دا دؤیوش عملیاتلاری زمانی کوماندیر اولوب. «قیرمیزی اولدوز« اوردنینین صاحبی و ایدمان اوستاسی ایدی.

۱۹۸۵-جی ایلده لنین‌گراد عالی حربی بدن تربییه‌سی مکتبینده یوکسک اختصاصلی تعلیم‌چیلر اوچون حاضرلیق گروپون‌دا ایشله‌مه‌یه باشلاییب. ۳ ایلده‌ن سونرا گیمرانوو نظام-انتظامی پوزدوغونا گؤره خاریج ائدیلیب.

۱۹۹۰-جی ایللرین اوللرینده گیمرانوو دسته یارادیب. بورایا سرگئی دنیسوو، والری شمورقون، سرگئی کولسین، ادوارد آوزالوتدینوو، ایستانیسلاو آدامیان داخیل ایدی. اونون چوخلو سنایپرلری و پارتلاییشلاری دقیق یئرینه یئتیره‌ن آداملاری وار ایدی. اولجه اونون دسته‌سی اساساً اوغورلوقلا مشغول اولوردو. لاکین چوخ کئچمه‌دن آناتولی سوبچاکین یاخین آداملاریندان بیری اولان یوری شوتوو اونلارلا علاقه ساخلادی. بوندان سونرا اونلار گوجلو آرخا الده ائدیب گئنیش میقیاس‌لی فعالیته باشلادیلار. لنینگراد مهمانخاناسینداکی یانغین، شمال پایتختینین ویتسه‌قوبرناتورونون محوی - بونلار اونلارین ایشلریندن یالنیز ان دقت چکه‌نلریدیر. او قدر گوجلو دسته ایدیلر کی، روسییانین ان یوکسک وظیفه‌لی مأمورلاری اونلارلا حسابلاشماغا مجبور ایدی.

۱۹۹۲-جی ایلده شوتوو و گیمرانوو روسییا تهلوکه‌سیزلیک خدمتی امکداشلاری طرفیندن حبس ائدیلیرلر. اتهام ایسه آذربایجان رسپوبلیکاسینین پرزیدنتی ابولفضل علیئوه (ائلچیبی) قارشی بو دسته‌نین حاضرلادیغی سوءقصدله باغلی معلوماتلارین اونلارا داخیل اولماسی ایدی. روسیا تهلوکه‌سیزلیک امکداشلاری دسته باشچیلارینین آذربایجان پرزیدنتینه سوءقصد اوچون سفاریشی هاردان آلمالارینی معین ائتمک ایستییردی.

محکمه کئچیریلیر و ابولفضل ائلچیبیین او دورده روسییا ایله مناسیبتلرینین یاخشی اولماماسی سببیله اتهام ائدیله‌نلر آزادلیغا بوراخیلیر. شوتوو تام براعت آلیر، گیمرانوو و اونون ال آلتیلاری هده-قورخو ایله انسانلاردان پول طلب ائتمه و زوراکی‌لیق هده‌لرینه گؤره یونگول جزالار آلیر.

۲۰۱۶-جی ایلده «جینایتکار روسییا» پروگرامیندا بو مسئله گونده‌مه گلیر و اوردا مذاکیره ائدیلیر کی، نیه محض گیمرانووون یولداشلاری فعالیتلری زمانی آذربایجان پرزیدنتی ابولفضل ائلچیبه‌یه سوءقصد ائتمکله باغلی سفاریش آلیبلار. لاکین بو، هله ده سر اولاراق قالیر.

قید ائدیم کی، ائلچیبه‌یه قارشی دؤرد سوءقصد جهدی اولوب.