روسییانین بوتون آریستوکراتییاسی تورکدور.

Kult.az خبر وئریر کی، بونو روسییالی تاریخ‌چی، اجتماعی خادم دمیتری چرنیشوسکی (ساورومات) یوتوب کانالین‌دا چیخیشین‌دا دئییب.

«روس چاری ایوان گروزنینین آتاسی ۳-جو واسیلینین ایلک آروادی سولومونییا سابورووا، یلنا قلینسکایا، ایرینا قودونووا، مارفا پراکسینا - هامی‌سی تورک اصیل‌لیدیرلر. آلکسی میخایلوویچ رومانووون آروادی، ۱-جی پیوترون آناسی ناریشکینا دا بؤیوک چؤلدندیر، تاتار قیزیدیر. داها سونرا، تانینمیش روس بویار کنیازلاری سویادلاری – قارشین، تاتارین، راستوپچینلر، قالیتسینلر، کارامزین تاتاردیر. بؤیوک روس عالیمی مندلیف تاتار قاریشیغی اولان یهودیدیر. «مندل» یهودی سویادیدیر، اورادا روس کؤکلری یوخدور، یالنیز بؤیوک چؤل وار»، - چرنیشوسکی بیلدیریب.

روسییالی تاریخ‌چی مشهور روس عالیملرین ده کؤکلرینین تورک اولدوغونو بیلدیریب:

«مچنیکوو، پاولوو، میچورین، تیمیریازئو... بیلیرسینیز «تیمیریازئو» سؤزونون معناسی ندیر؟ اونون اولو باباسی تیمیر قاجیئو اولوب، بؤیوک چؤلدن. قوقول دا اوکراینالی اولسا دا، کازاک تاتارلارینداندیر. دوستایوسکی، تورگنیو، درژاوین، قورکی، پشکوو - هامی‌سی بؤیوک چؤلدن‌دیر. آلکساندر کوپرین تاتار خانینین نسلیندندیر. الویدا روس ادبیاتی. تولستویلارین دا کؤکلری بؤیوک چؤله گئدیب چیخیر».