بو گون - اوکتیابرین ۴-ده جبراییل شهرینین ارمنی اشغال‌چیلاریندان آزاد ائدیلمه‌سیندن ۵ ایل اؤتور.

Axar.az خبر وئریر کی، ۲۰۲۰-جی ایلین اوکتیابرین ۴-ده جبراییل شهری ایله یاناشی، رایونون داها ۹ کندی - کارخولو، شوکوربیلی، چرکه‌ن، داشکه‌سه‌ن، هورولو، محمودلو، جعفراباد، یوخاری مارالیان و دژل دشمن اشغالیندان آزاد اولونوب. آزاد اولونان اراضیلره آذربایجانین اوچ‌رنگلی شانلی بایراغی سانجیلیب.

جبراییلین دشمن اشغالین‌دان تمیزله‌نمه‌سی ایله آذربایجان-ایران سرحدینه دولت نظارتی قسما برپا ائدیلیب.

قید ائدک کی، جبراییل رایونو ۸ آوگوست ۱۹۳۰-جو ایلده تشکیل ائدیلیب. ۴ یانوار ۱۹۶۳-جو ایلده لغو ائدیله‌رک فضولی رایونونا بیرلشدیریلیب، ۱۷ ایون ۱۹۶۴-جو ایلده یئنی‌دن یارادیلیب. جبراییل کیچیک قافقاز داغلارینین جنوب-شرقینده، گیه‌ن دوزو و قاراباغ سلسله‌سینده یئرلشیر. رایون جنوبدان آراز چایی بویو ایران ایله هم‌سرحددیر. ساحه‌سی ۱۰۴۹ کوادرات کیلومتردیر، اراضی‌سی اساساً داغلیقدیر. آراز چایینین قیراغی واختیله توقای مئشه‌لری ایله سیخ اولوب. آرازبویو دوزنلیکلرین تورپاقلاری یوکسک محصولدارلیغا مالک توند شابالیدی تورپاقلاردیر.

جبراییل رایونو ۱۹۹۳-جو ایل آوگوستون ۲۳-ده ارمنیستان سلاح‌لی قوه‌لری طرفیندن اشغال ائدیلمیشدی. اشغال زمانی رایون ۱ شهر، ۴ قصبه و ۹۷ کنددن عبارت ایدی. اشغال دورونده جبراییللی مجبوری کؤچکونلر اؤلکه‌نین ۵۸ رایونونون ۲۰۰۰-دک یاشاییش منطقه‌سینده، چادیر دوشرگه‌لرینده، یوک واگونلارین‌دا و یاتاقخانالاردا مسکونلاشیبلار. ۱۹۹۴-جو ایل ۵ یانوار تاریخینده هورادیز عملیاتی زمانی جبراییلین جوجوق مرجانلی کندی اشغالدان آزاد اولونوب.

آذربایجانین وطن محاربه‌سینده دشمن اوزرینده غالب گلمه‌سیندن ۶ گون سونرا – ۲۰۲۰-جی ایلین نویابر آیینین ۱۶-دا پرزیدنت ایلهام علیئو و و بیرینجی خانیم مهریبان علیئوا اشغال‌دان آزاد ائدیله‌ن جبراییل رایونوندا اولوبلار. پرزیدنت جبراییل شهرینده و خودافرین کؤرپوسونده شانلی آذربایجان بایراغینی قالدیریب. همچنین، پرزیدنت ایلهام علیئو ۲۰۲۱-جی ایل اوکتیابرین ۴-ده جبراییل رایونوندا سفرده اولوب.

پرزیدنت ایلهام علیئوین امضالادیغی سرانجاما اساساً، هر ایل اوکتیابرین ۴-ده جبراییل شهری گونو کیمی قید ائدیلیر.