شرقی آذربایجانا مخصوص اولان "آتا" هاوا یوللاری شیرکتینین تهران-تبریز اوچوشوندا سرنیشینلره آذربایجان تورکجه‌سینده "خوش گلدین" دئین طیاره بلدچیسی ایشدن قووولوب.

Axar.az خبر وئریر کی، بو باره‌ده تبریز مئدیاسی معلومات یاییب.

بیلدیریلیب کی، بونونلا باغلی آچیقلاما یایان آتا هاوا یوللارینین عملیات بؤلمه‌سینین رهبری سامان آخته فاکتی تصدیق ائدیب.

"۵۶۰۶ سایلی تهران ریسی ایله تبریزه اوچان سرنیشینلرین ایفاده‌لرینه و بعضی سرنیشینلرین شکایتلرینه اساساً، لازیمی آراشدیرمالار آپاردیقدان سونرا بیلدیریرم کی، بو ریسین ایستواردئسساسی قایدالار چرچیوه‌سینده حرکت ائتمه‌میش و سرنیشینلری تورک دیلین‌ده ایفاده‌لرله قارشیلامیشدیر. بو، قانون و قایدالارا ضددیر.
ایلکین قرارا اساساً، بلدچی‌نین بیر ایل مدتینه ایشدن کنارلاشدیریلماسینا و ایشینه باخیلماسی اوچون اونون دوسیاسی‌نین پوزونتولارا قارشی مباریزه شعبه‌سینه تقدیم ائدیلمه‌سینه قرار وئریلمیشدیر"،- سامان آخته یازیلی آچیقلاماسیندا بیلدیریب.

قید ائدک کی، تهراندان تبریزه اوچان طیاره‌ده بلدچی‌نین سرنیشینلره آذربایجان تورکجه‌سینده "خوش گلدین" دئمه‌سی فارس میلیتچیلری‌نین اعتراضلاری ایله قارشیلاشیب و اونلار بونو آتا هاوا یوللاری شیرکتی‌نین سئپاراتچیلیغی تبلیغی کیمی تقدیم ائدیبلر.

مسله‌نین اجتماعی‌لشمه‌سیندن سونرا آذربایجان دیلینده "خوش گلدین" دئین طیاره بلدچیسی ایشدن قووولوب.