ملی آذربایجان تاریخی موزئیینده صفویلر دولتینین بانیسی و ایلک حکمداری شاه اسماعیل خطاینین ۱۵۰۸-جی ایله عاید فرمانینین تقدیماتی کئچیریلیب.

Axar.az خبر وئریر کی، شاه اسماعیل خطاینین ساغلیغیندا یازیلمیش و دوروموزه قدر گلیب چاتمیش ۲۰ سنددن بیری اولان بو فرمان ۲۰۲۴-جو ایلین آپرل آییندا آذربایجان وطنداشی طرفیندن «Christie's» حراجیندا ساتین آلینیب و ملی آذربایجان تاریخی موزئیینه هدیه ائدیلیب.

مدنیت ناظیرینین معاونی فرید جعفروو موزئی فوندلارینین زنگینلشدیریلمه‌سینین پریوریتت مسئله‌لردن بیری اولدوغونو وورغولاییب. ناظیر معاونی بیر آذربایجانلی وطنداشین بو تاریخی سندی حراج‌دان آلاراق وطنه گتیرمه‌سینی علامتدار حادثه کیمی قیمتلندیریب. فرید جعفروو تاریخی-مادی فاکتلارین توپلانیلماسی عنعنه‌سینین داوام ائتدیریلمه‌سینین مثبت حال اولدوغونو بیلدیریب.

آذربایجان ملی علملر آکادمییاسینین پرزیدنتی آکادمیک عیسی حبیبیلی پایتاختا گتیریله‌ن سندین سیاسی و تاریخی اهمیتیندن صحبت آچیب. او بیلدیریب کی، بؤیوک تاریخی شخصیت اولان شاه اسماعیل خطاینین مهرو اولان فرمانین ملی آذربایجان تاریخ موزئیینه تقدیم اولونماسی موزئیین فوندو اوچون چوخ قیمتلیدیر. عیسی حبیبیلی چیخیشینین سونوندا قید ائدیب کی، مدنیت ناظیرلیینین بو تقدیمات مراسمینی تشکیل ائتمه‌سی دولتچی‌لیک تاریخیمیزه تحفه‌دیر.

ملی آذربایجان تاریخی موزئیینین دیرکتورو آکادمیک نایله ولیخانلی چیخیشیندا ۵۰۰ یاشلی سندی خارج‌ده‌کی حراج‌دان ساتین آلیب آذربایجانا گتیرن هموطنیمیزه درین منتدارلیغینی بیلدیریب. او بیلدیریب کی، فرمان فارسجا یازیلسا دا، توغرانین ایچینده «سؤزوموز» کلمه‌سی تورکجه یازیلیب.

آذربایجان ملی علملر آکادمییاسی-نین باکیخانوو آدینا تاریخ و اتنولوگییا اینستیتوتونون باش دیرکتورو پروفسور کریم شوکوروو بو سندین علمی اهمیتی باره‌ده فکرلرینی بؤلوشوب. او، بو فکرلرین فونوندا شاه اسماعیل خطاینین حکمدارلیق دورو، دولتچی‌لیک تاریخیمیزده‌کی اهمیتلی آددیملارینا نظر سالیب.

تاریخ و اتنولوگییا اینستیتوتونون علمی ایشلر اوزره دیرکتور معاونی توفیق نجفلی سندین متنی، مضمونو باره‌ده دانیشیب. او، گله‌جکده ده خارج‌ده اولان بو تیپ قیمتلی سندلرین آذربایجانا گتیریلمه‌سینی ضروری حساب ائدیب.

آذربایجان یازیچیلار بیرلیینین کاتبی، شاعر، دراماتورق ایلقار فهمی شاه اسماعیل خطاینین یارادیجیلیق خصوصیتلری، اثرلرینین بدیعی کیفیتلری باره‌ده صحبت آچیب.

تدبیرین بدیعی حصه‌سینده خالق آرتیستی مونس شریفوون بدیعی رهبری اولدوغو قدیم موسیقی آلتلری آنسامبلینین، آنسامبلین سولیستی امکدار آرتیست نوریه حسینووانین ایفالاری، آذربایجان دولت مدنیت و اینجه‌صنعت اونیورسیتتینین طلبه‌لری — راهب آللاهوئردیئو و فیروزه اسماعیلین قرائتینده خطاینین پوئزییاسیندان نمونه‌لر سسلندیریلیب.