اؤلکه‌ده حکیم چاتیشمازلیغینا گؤره خسته‌لرین معالیجه‌سی پروبلمه چئوریلیب و بئله داوام ائدرسه ۷-۸ ایلده‌ن سونرا خسته‌لری معالیجه اوچون خاریجی اؤلکه‌لره گؤندرمک مجبوریتینده قالاجاغیق.

Axar.az خبر وئریر کی، بو باره‌ده ایران صحیه ناظرلیینین رسمی‌سی علی جعفریان دئییب.

"انقلابین ایلک ایللرینده خاریجی حکیلمه‌لرین خدمتیندن استفاده ائتسک ده، سونرادان وضعیت دییشدی و ۳ ایل اوله کیمی خسته‌لرین خاریجده معالیجه اولونماسی آز حاللاردا باش وئریردی، ایندی ایسه بو عمومی‌لشمکده‌دیر"،- او بیلدیریب.

جعفریان حکیملرینین ایشله‌مک اوچون خاریجی اؤلکه‌لره مهاجرت سایلارینین آرتدیغینی و یاخین گله‌جک‌ده بو ساحه‌ده قارشی‌سی آلینماز پروبلملرین اورتایا چیخاجاغی باره‌ده خبردارلیق ائدیب.

قید ائدک کی، بوندان اول ده حکیملرین و طب باجیلارینین خاریجه مهاجیرتینین آرتماسی ایله باغلی خبردارلیقلار ائدیلیب و بونون اساس سببینین ایران‌دا امک حاقلارینین آشاغی اولماسی گؤستریلیب.