تهران ایالتینین آپلیاسییا محکمه‌سینین ۳۶-جی شعبه‌سی ۱۰ آذربایجان‌لی مدنی فعالین آپلیاسییا شکایتینی رد ائد‌رک، ابتدایی محکمه‌نین وئردیی آغیر حبس جزاسینی تصدیقله‌ییب.

Axar.az خبر وئریر کی، بو باره‌ده اینسان حاقلاری تشکیلاتلاری معلومات یاییب.

آذربایجان‌لی فعاللار "جاسوسلوق"دا، "ملی تهلوکه‌سیزلییه قارشی فعالیت"ده، "اؤلکه‌نین تهلوکسیزلینه قارشی توپلاشماق و البیر اولماق دا اتهام اولونورلار.

محکمه‌نین قرارینا گؤره، آیاز سیف‌خواه ۱۴، آراز آمان زرین‌آباد ۱۳، باقر حاجی‌زاده مزرعه ۱۳، کرم مردانه مستعلی‌بی‌لی ۱۱، طاهیر نقوی ۶، سالار طاهیر افشار ۵، مرتضی پروین جودا ۶، حسن ابراهیمی ۳، سعید مینایی قشلاق ۵ و فاطمه آتش خیاوی‌‍نسب ۵ ایل آزادلیقدان محروم ائدیلیبلر.

بونونلا یاناشی تهران انقلاب محکمه‌سینین۱۵-جی شعبه‌سی باشقا فعاللار ودود اسدینی ۴ ایل، عبدالعزیز عظیمی قدیمی ۶ ایل، حسین پیری ۵ ایل، کمال نورینی ۳ ایل، سلیمان محمدینی ده ۳ ایل مدتینه آزادلیق‌دان محروم ائدیب.

قید ائدک کی، آدی چکیلن فعاللار ۲۰۲۴-جو ایلین فورال آیین‌دا گونئی آذربایجانین مختلف شهرلرینده ساخلانیلاراق تهرانین ائوین حبس‌خاناسینا کؤچورولوبلر.

اونلاردان بیر نئچه‌سی دیندیریلدیکدن سونرا گیروو قارشیلیغیندا موقتی اولاراق محکمه‌یه قدر سربست بوراخیلسالار دا، اکثریتی حبس‌ده ساخلانیلیب.