اورمییا حبسخاناسیندا ساخلانیلان و یانوارین ۱۳-دن آجلیق آکسییاسی کئچیرن آذربایجانلی سیاسی محبوس حامد قاراوغلانی‌نین وضعیتی آغیرلاشیب.

Axar.az خبر وئریر کی، بو باره‌ده انسان حاقلار فعاللاری اونون عائله‌سینه استنادا معلومات یاییب.

"اوزون مدتدیر آجلیق آکسییاسی کئچیرن حامیدین قان شکری کسکین دوشوب و او آغیر وضعیت‌ده کلینیکایا کؤچورولوب. حبسخانا رهبرلییی اونون عائله‌سینه زنگ ائد‌رک حسخانایا گئتمه‌لرینی ایسته‌ییب. قاراوغلانی‌نین هارا آپاریلدیغی دئییلمه‌ییب"،- معلومات‌دا بیلدیریلیب.

۵ ایله یاخین‌دیر حبسده ساخلانیلان قاراوغلانی، شرطی آزادلیغا بوراخیلماسی باره‌ده مراجعتلرینین جاواب‌سیز قالماسینا اعتراض اولاراق آجلیق ائدیر.

قید ائدک کی، حامد قاراوغلانی ۲۷ ایون ۲۰۲۰-جی ایلده ساخلانیلیب، ۲۸ سنتیابر ۲۰۲۰-جی ایلده اورمییا انقلاب محکمه‌سینین ۲ سای‌لی بؤلمه‌سینده محاکیمه اولونوب.

او، "آمریکا، و اسرائیله جاسوسلوق‌دا»، «خارجی کیو-لرله علاقه»ده، «رهبری تحقیر ائتمک»ده، "قاسیم سلیمانینین شکلینی جیرماق»دا گوناهلاندیریلیب.

آذربایجانلی محبوسون باره‌سینده چیخاریلان اعدام قراری سونرادان ۱۴ ایل حبس جزاسینا دییشدیریلیب.

قاراوغلانی باره‌سینده ایر‌لی سورولن اتهاملارین اساسسیز اولدوغونو و اوندان ایشگه‌نجه آلتیندا مجبوری اعتراف آلیندیغینی بیلدیریب.