دنیانین مختلف اؤلکه‌لریندن اولان ۸۵ نوبل مکافات‌چی‌سی، تهرانین ائوین حبس‌خاناسین‌دا ساخلانیلان ۲۰۲۳-جو ایل نوبل صلح مکافاتینین غالیبی گونئی‌لی آذربایجان‌لی حقوق مدافعه‌چی‌سی نرگس محمدی‌نین آزاد ائدیلمه‌سینی طلب ائدیبلر.

Axar.az خبر وئریر کی، بو، نوبل مکافات‌چیلارینین یایدیغی بیرگه بیانات‌دا طلب ائدیلیب.

بیانات‌دا نرگس محمدینین طبی معزونیت‌ده اولماسینا و اونون یئنی‌دن حبسخانایا قایتاریلماسی جهدلرینه توخونولوب و حقوق مدافعه‌چی‌سینین باره‌سینده ایر‌لی سورولن اتهاملارین لغوی، اونون بیر دفعه‌لیک و قید-شرط‌سیز آزاد ائدیلمه‌سی ایستنیلیب.

بیاتانی امضالایانلار محمدی ایله یاناشی ایران حبسخانالاریندا ساخلانیلان بوتون سیاسی محبوسلارین آزاد ائدیلمه‌سینین ده واجیبلیینی بیلدیریبلر.

قید ائدک کی، ۲۰۲۳-جو ایل نوبل صلح مکافاتی لاورئاتی ۵۲ یاشلی زنجان‌لی نرگس محمدی، سون دفعه ۲۰۲۱-جی ایلین نویابرین‌دا حبس ائدیلیب و مختلف اتهاملارا گؤره ۱۲ ایل ۹ آی حبس، ۱۵۴ شلاق جزاسینا محکوم ائدیلیب.

او، بیر نئچه هفته اول صحتین‌ده اولان پروبلملره گؤره طبی معزونیته بوراخیلیب.