جنوبی قافقازدا بیان ائدیلمیش صلح تکجه رگیون اؤلکه‌لرینه دئییل، هم ده اوندان کنارا فایدا وئرجک کونکرت حرکتلر و رئال نتیجه‌لرله مشایعت اولونمالیدیر.

Axar.az خبر وئریر کی، بونو ارمنستانین خارجی ایشلر ناظیری آرارات میرزویان بحرینده کئچیریله‌ن "ماناما دیالوگو" فورومونون یکون پانل مذاکره‌سینده چیخیشی زمانی بیلدیریب.

"جنوبی قافقازین تجربه‌سی تکجه اوزون‌مدتلی قارشیدورمانین نه قدر باها باشا گلدیینی دئییل، هم ده دیپلماتییانین یارادا بیلجه‌یی امکانلاری گؤستریر. لاکن سیاسی عهده‌لیک کونکرت حرکتلر و رئال نتیجه‌لرله مشایعت اولونمالیدیر"، - دئیه او قید ائدیب.

او حساب ائدیر کی، بوتون ماراقلی طرفلر اوچون امکانلار و قارشی‌لیقلی فایدا یارادان علاقه‌لیلیک عمومی ماراقلاری فورمالاشدیریر، صلح و ثابتلیین قورونماسینا دایر کلکتیو عهده‌لیی گوجلندیریر.

بو کونتکستده ارمنستانین خارجی ایشلر ناظیری تریپ ("ترامپ مارشروتو") لاییحه‌سینین حیاتا کئچیریلمه‌سینین واجبلیینی وورغولاییب. لاییحه دمیر یولو، الکتریک انرژیسی، اوپتیک لیف، نفت و گاز اینفراستروکتورلارینی احاطه ائدیر.

ناظیرین سؤزلرینه گؤره، لاییحه تکجه باکی ایله ایروان، ائلجه ده بیرباشا قونشو اؤلکه‌لر آراسیندا دئییل، شرقله غرب، شماللا جنوب آراسیندا دا علاقه‌لرین گوجلندیریلمه‌سینده مهم رول اوینایاجاق.