روسیا-اوکراینا محاربه‌سی چین لیدری سی سزینپین، آمریکا پرزیدنتی دونالد ترامپ و روسیا پرزیدنتی ولادیمیر پوتینین دانیشیقلاریندا مذاکره موضوعسو اولمایاجاق.

Axar.az خبر وئریر کی، بونو آلمانیا پرزیدنتی فرانک-والتر اشتاینمایر دئییب.

اشتاینمایر بیلدیریب کی، پکین اوکرایناداکی محاربه‌نی مذاکره ائتمک اوچون واشینگتن و مسکوا ایله اوچ‌طرفلی گؤروشون کئچیریلمه‌سینده ماراقلی دئییل.

اشتاینمایر پکینده کئچیریله‌ن دانیشیقلار زمانی چین لیدری سزینپینله بئله بیر گؤروشون ممکونلویونو مذاکره ائدیب:

"اونون فکرینجه، هله‌لیک آمریکا، روسیا و چینین اشتراکی ایله اوکراینا مسئله‌سینه دایر ساممیتین حاضرلانماسینا دایر هئچ بیر علامت یوخدور. او، بونون آوروپایا عاید مناقشه اولدوغونو و دانیشیقلار ماساسی آرخاسیندا آوروپالیلارین دا تمثیل اولونماسینین واجبلیینی آچیق شکلده وورغولاییب».

قید ائدک کی، اشتاینمایرله سزینپین آراسیندا گؤروش جمعه گونو پکینده باش توتوب. دانیشیقلاردان سونرا آلمانیا پرزیدنتی برلینه قاییدیب.

خاطیرلاداق کی، بو آی شنچژنده کئچیریله‌جک آسیا-ساکیت اوکیان ساممیتی چرچیوه‌سینده پوتین، ترامپ و سزینپینین گؤروش امکانلاری مذاکره ائدیلیر.