آذربایجان طرفی ایله بیرگه گؤروشده نقلیات، سرحد، گمروک و ترانزیت مسئله‌لری اوزره آنلاشما مموراندومونون حاضرلانماسی قرارا آلینیب و سند ایران پرزیدنتینین سفری زمانی امضالاناجاق.

Axar.az خبر وئریر کی، بونو ایرانین یول و شهرسالما ناظری فرزانه صادق دئییب.

آذربایجان باش ناظرینین معاونی شاهین مصطفی‌یئوله گؤروشوندن سؤز آچان ایران‌لی ناظر دئییب کی، صحبت زمانی مسعود پزشکیانین آذربایجانا سفری اوچون ضروری اولان مسئله‌لر و آنلاشمالار داها اطراف‌لی مذاکره ائدیلیب.

فرزانه صادق پزشکیانین آذربایجانا سفری چرچیوه‌سینده ایکی اؤلکه آراسیندا یوک داشیمالارینین حجمینی آرتیرماق مقصدی ایله ایکی اؤلکه‌نین ایش آداملارینین اجلاسینین کئچیریلمه‌سینین پلانلاشدیریلدیغینی آچیقلاییب و بیلدیریب کی، اجلاس ایران خاریجی ایشلر ناظرلییی و ایرانین تجارت پالاتاسی ایله امکداشلیق چرچیوه‌سینده باش توتاجاق.

قید ائدک کی، فرزانه صادق آپرلین ۷-ده آذربایجانا ۳ گونلوک سفره گلمیشدی.