ایونون ۷-ده ایران‌دا یاشایان خالقلارین بیر نئچه نماینده‌سینین اشتراکی ایله ایسوچین استکهلم شهرینده «ایران‌دا دموکراتیانین قورولماسی و اونون ائتنیک طلبلرله علاقه‌سی» موضوع‌سون‌دا کنفرانس کئچیریله‌جک.

Axar.az خبر وئریر کی، بو باره‌ده کنفرانس تشکیلاتچیلاری معلومات یاییب.

بو، آوروپادا «آذربایجان وطنداش جمعیتی فعاللاری» کنفرانسلاری سلسله‌سینده اوچونجو گؤروش اولاجاق.

معلوماتا گؤره، کنفرانس قید اولونان تاریخ‌ده استکهلمون آ.ب.ف زالین‌دا یئرلی واختلا سحر ساعت ۰۹-دان گونورتا ساعت ۱۶-آ کیمی اولاجاق.

کنفرانس‌دا آذربایجان‌لی سیاست‌چی حسن شریتمداری، ژورنالیست و سیاسی فعال علیرضا اردبیلی، سیاسی فعال و انسان حاقلاری مدافعه‌چیلری اومای رادمهر، ناهید بهمنی، ایران‌دا یاشایان عربلرین نماینده‌لری یوسف عزیزی بنی‌طرف، یاسین اهوازی و باشقا شخصلر چیخیش ائد‌جک.

کنفرانسین دیلی فارسجا اولدوغونا گؤره، بیر نئچه آذربایجانلی فعال و ضیالی اشتراک ائتمکدن امتنا ائدیب.

کنفرانس جانلی اولاراق سوسیال مئدیا پلاتفورمالاریندان یایین‌لاناجاق.