ایرانین ان بؤیوک اونلاین آلیش-وئریش و ساتیش پلاتفورماسی اولان «دیجی‌کالا» اینترنت سایتی آذربایجان رسپوبلیکاسینین بایراغینین سیمووللارینی آمریکا و اسرائیلله یاناشی دوشمن اؤلکه‌لر و قاداغان اولونموش ماللار سیاهیسینا سالیب.

Axar.az خبر وئریر کی، بو باره‌ده سایت‌دا یئرلشدیریلن معلوماتدا بیلدیریلیر.

بئله کی، «دیجی‌کالا»نین رسمی صحیفه‌سینده آمریکا، اسرائیل و آذربایجان کیمی اؤلکه‌لرین بایراغینین و یا سیموولونون عکس اولوندوغو ماللارین (کؤینک، فوتبولکا و س.) ساتیشینین قاداغان اولوندوغو آچیق-آیدین قید اولونوب.

سیاهی‌دا «دوشمن» اؤلکه‌لرله علاقه‌لی بایراق رنگلری و سیمووللار اولان ماللارین استحصالی و تقدیم ائدیلمه‌سینین قاداغان ائدیلدیی، بو ماللارین ایرانین سیستمینه ضد سیاسی مقصدلری اولدوغو و بو سبب‌دن ساتیشینین قارشی‌سینین آلیندیغی بیلدیریلیر.

ایشید و طالبان کیمی گروپلارلا یاناشی، آذربایجانین دا بو سیاهی‌یا سالینماسی سوسیال شبکه استفاده‌چیلرین گئنیش رئاکسیاسی ایله اوزلشیب.

قید ائدک کی، اونلاین ساتیش پلاتفورماسیندا آذربایجان بایراغینین اؤزونون ساتیلماسینا قاداغا یوخدور.