ایران پرزیدنتی مسعود پزشکیانین باکییا سون سفری زامانی ایکی اؤلکه‌نین حکومت اورگانلارینین راضیلاشما الده ائتمه‌سیندن سونرا ایران و آذربایجان آراسیندا تجارت علاقه‌لرینین سوییه‌سی ۵ میلیارد دوللارا یوک‌سه‌له‌جک.

Axar.az خبر وئریر کی، بونو ایران-آذربایجان پارلامنتلرآراسی دوستلوق گروپونون رهبری، ملت وکیلی صدیف بدری دئییب.

بدرینین سؤزلرینه گؤره، بو سفر ایکی اؤلکه‌ده و بؤلگه‌ده اوغورلو عکس-صدا دوغوردو و اونون مثبت نتیجه‌لری امظالانمیش ۷ امکداشلیق سندینین اجراسی ایله داها دا آیدینلاشاجاق.

«سفر زامانی آذربایجان‌دا تحصیل آلان ایرانلی طلبه‌لرین گئدیش-گلیشینین آسانلاشدیریلماسی و سرنیشین داشیمالاری اوچون قورو سرحدینین آچیلماسی قرارا آلینیب. تهرانین "خمینی" هاوا لیمانیندان، تبریز، اردبیل، مشهد و اصفهان هاوا لیمانلاریندان ایکی اؤلکه آراسیندا اوچوشلارین آرتیریلماسی هر ایکی طرفین موافق ناظرلیکری‌نین گوندلیینه سالینیب»، - ملت وکیلی بیلدیریب.