غربی آذربایجان ایالتینین مرکزی اورمیا شهرینین حبسخاناسین‌دا آجلیق آکسیاسی کئچیرن آذربایجان‌لی سیاسی محبوس حامد قاراوغلانینین وضعیتی آغیرلاشیب.

Axar.az خبر وئریر کی، بو باره‌ده انسان حاقلاری تشکیلاتلاری معلومات یاییب.

بیلدیریلیب کی، آپرلین ۱۱-دن آجلیق ائد‌ن قاراوغلانینین وضعیتی آغیرلاشدیقدان سونرا خسته‌خانانین طب منطقه‌سینه کؤچورولسه ده، سرم قبول ائتمک‌دن امتنا ائدیب و یئنی‌دن پالاتایا قایتاریلیب.

اینسان حاقلاری تشکیلاتلاری حبسخاناداکی منبع‌لره استنادن سیاسی محبوسون حیاتینین تهلوکه‌ده اولدوغونو و هر آن حیاتینی ایتیره بیلجیی باره‌ده خبردارلیق ائدیبلر.

۵ ایله یاخین‌دیر حبس‌ده ساخلانیلان قاراوغلانی، شرطی آزادلیغا بوراخیلماسی باره‌ده مراجعتلرینین جواب‌سیز قالماسینا اعتراض اولاراق آجلیق ائدیر.

او، بون‌دان اول مارت آیین‌دا دا اوخشار طلبله اوزون مدتلی آجلیق آکسیاسی کئچیردیینه گؤره وضعیتی آغیرلاشمیش و خسته‌خانایا کؤچورولموشدو.

قید ائدک کی، حامد قاراوغلانی ۲۷ ایون ۲۰۲۰-جی ایلده ساخلانیلیب، ۲۸ سنتیابر ۲۰۲۰-جی ایلده اورمیا انقلاب محکمه‌سینین ۲ سایلی بؤلمه‌سین‌ده محاکیمه اولونوب.

او، "آمریکا، و اسرائیله جاسوسلوق‌دا»، «خارجیمطبوعاتلا علاقه»ده، «رهبری تحقیر ائتمک»ده، "قاسم سلیمانینین شکلینی جیرماق»دا گناهلاندیریلیب.

آذربایجان‌لی محبوسون باره‌سینده چیخاریلان اعدام قراری سونرادان ۱۴ ایل حبس جزاسینا دییشدیریلیب.