اردبیل ایالتینین والیسی مسعود امامی یگانه ایران-آذربایجان آراسیندا قورو سرحدلرین آچیلماسینی ایسته‌ییب.

Axar.az خبر وئریر کی، بو باره‌ده ایران مئدیاسی معلومات یاییب.

اردبیل والی‌سی، تهران‌دا اردبیل والی‌لیینین اوفیسینده آذربایجانین تهران‌داکی سفیری علی علی‌زاده ایله کئچیردیی گؤروشده بو باره‌ده تکلیف ایر‌لی سوروب.

او، ایران پرزیدنتی مسعود پزشکیانین باکی‌یا سفری زمانی طرفلر آراسیندا باش توتان دانیشیقلارا و راضیلاشمالارا توخوناراق، ایکی اؤلکه آراسیندا قورو نقلیاتینین یئنی‌دن عملی شکیل‌ده برپا ائدیلمه‌سینین واجیب‌لیینی دئییب.

آذربایجان سفیری ایکی اؤلکه آراسیندا علاقه‌لرین گئنیش‌لندیریلمه‌سی اوچون هئچ بیر محدودیتین اولمادیینی و آذربایجانین قارشی‌لیقلی علاقه‌لری و امکداشلیغی درینلشدیرمه‌یه تام حاضر اولدوغونو بیلدیریب.

علی علی‌زاده آذربایجانین ایش آداملارینین اردبیل ایالتینین مختلف اقتصادی و توریزم سکتورلارینا سرمایه قویماغا حاضر اولدوقلارینی و بو مسئله‌نی هر ایکی اؤلکه‌نین اقتصادیاتی اوچون فایدالی حساب ائتدیینی دئییب.