۱۵:۰۸

تبریزین "تراکتور" کوماندسینین ایران چمپیونو اولماسی ایله باغلی مراسمین باشلانماسینا ساعتلار قالسا دا، تبریزین یادگار امام (سهند) استادیونو تام دولوب.

Axar.az خبر وئریر کی، بو باره‌ده تبریز مئدیاسی معلومات یاییب.

معلوماتا گؤره، بو گون یئرلی واختلا ساعت ۱۷-۱۹ آراسی کئچیریله‌جک مراسیمه قاتیلماق اوچون سهند ایستادیونونا ۱۰۰ مین‌دن چوخ آدام توپلاشیب.

ایستادیونون تام دولدوغونا گؤره، اطراف تپه‌لره چوخ سایدا انسان توپلاشیب، استادیونا گئدن یوللاردا تیخاج یارانیب.

***

بو گون، ۱۶ مای ۲۰۲۵-جی ایل، جمعه گونو آذربایجان خالقی و تراکتور کومان‌داسینین بوتون آزارکئشلری تبریزده‌کی سهند استادیونون‌دا چمپیونلوق بایرامی بویوک ازدحاملا توپلاشیب.

Axar.az-این معلوماتینا گؤره، بو چمپیونلوق بایرامین‌دا ۱۵۰ مین‌دن چوخ تراکتور آزارکئشی اشتراک ائدیب.

بوندان علاوه، اون مینلرله آزارکئش استادیونون خارجینده قالیب و حاضردا استادیونلا تبریز شهر مرکزی آراسیندا اولان یوللاردا بؤیوک تیخاج یارانیب.

***

تبریزده سهند استادیونو یولون‌دا باش وئرن قضادا بیر نفر اؤلوب، بئش نفر یارالانیب

Axar.az-این معلوماتینا گؤره، شرقی آذربایجان ولایتینین تعجیلی طبی یاردیم خدمتینین سؤزچوسو شاد نیا بو باره‌ده آچیقلاما وئریب.

بو گون، ۱۶ مای ۲۰۲۵-جی ایل، جمعه گونو ساعت ۱۶:۳۰-دا سهند استادیونو یولون‌دا ایکی موتوسیکلتین توققوشماسی نتیجه‌سینده تأسف کی، ۵ یاشلی قیز اوشاغی حادثه یئرینده وفات ائدیب. قضادا یارالانان بئش نفر تعجیلی یاردیم خدمتی طرفیندن امام رضا خسته‌خاناسینا چاتدیریلیب.

تعجیلی یاردیم متخصصلرینین معلوماتینا گؤره، یارالیلاردان بیرینین وضعیتی آغیردیر و او، خصوصی طبی نظارت آلتیندا معالجه اولونور.