خبر وئردییمیز کیمی، آذربایجان و ایران «آراز-۲۰۲۵» آدلی بیرگه حربی تعلیملره باشلاییبلار. تعلیملرین آچیلیش مراسمی خوجاوند رایونونون هادروت قصبه‌سینده کئچیریلیب.

Axar.az خبر وئریر کی، ایران‌لی حربچیلره اسلام انقلابی کشیک‌چیلری کورپوسونون (سپاه) قورو قوشونلارینین عملیاتلار اوزره کوماندانی، بریگادا گنرالی ولی مانی رهبرلیک ائدیب. گنرال-مایور اشغال‌دان آزاد ائدیلدیکدن سونرا هادروت قصبه‌سینده اوجالدیلان "دمیر یومروق" عابده‌سینین اؤنونده حربی سلام وئره‌رک، شهیدلریمیزین خاطره‌سینی احتیراملا یاد ائدیب.

"بو تعلیم ایکی اؤلکه‌نین استراتژی، عملیات و حربی مقصدلرینی تبلیغ ائتمک و آذربایجان ایله ایران پرزیدنتی آراسین‌دا راضیلاشما اساسیندا حیاتا کئچیریلیر. اؤتن ایل اونون بیرینجی مرحله‌سی ایران اسلام رسپوبلیکاسینین جغرافی اراضی‌سینده کئچیریلیب، بو ایل ده عینی یوللا آذربایجانین جغرافی اراضی‌سینده حیاتا کئچیریلیر"، - دئیه او قید ائدیب.

همچینین معلوم اولوب کی، آذربایجان‌داکی تعلیملره قاتیلانلار ایران اسلام انقلابی کشیک‌چیلری کورپوسو قورو قوشونلارینین مرزاکوچک خان خصوصی تعیناتلی قوه‌لر بریگاداسینین حربچیلریدیر.