تورکییه پرزیدنتی رجب طاییب اردوغان استانبول‌دا کئچیریلن ۷-جی بین‌الخالق اتنوایدمان و مدنیت فستیوالین‌دا آذربایجان کومانداسینین چیخیشینا باخیب.

Axar.az خبر وئریر کی، دونیا اتنوایدمان کنفدراسییاسینین تشکیلات‌چیلیغی ایله کئچیریلن تدبیر دنیانین هر یئریندن عنعنه‌وی ایدمان نوعلرینین هوسکارلارینی بیر آرایا گتیریب.

اردوغان فولکلور گروپلارینین چیخیشلارینی ماراقلا ایزله‌ییب، اونلارین آراسیندا قاراباغ آتلاری ایله آکروباتیک آتچیلیق شووسو خصوصیله سئچیلیب.

شوو زامانی آتلیلار تورکییه و آذربایجانین بایراقلارینی قالدیریبلار. تورکییه لیدری آیاغا قالخاراق اونلاری گورولتولو آلقیشلارلا دستکله‌ییب.

خاطیرلاداق کی، فستیوال‌دا آذربایجانی دولت سرحد خدمتینین ترکیبی ۱۰۰ نفردن چوخ اولان نماینده هئیتی، تورکییه‌ده‌کی سفیرلیکده آذربایجان مدنیت مرکزینین قوردوغو چادیر و ۲۰ قاراباغ آتی تمثیل ائدیر. اؤلکه‌نین تدبیرده اشتراکینی آذربایجان آتچیلیق فدراسییاسی تشکیل ائدیب.

مایین ۲۵-دک داوام ائد‌جک فستیوال‌دا عمومیلیک‌ده قاراباغ آتلارینین ۶ چیخیشی نظرده توتولوب.