دولتی بایاندوریه (آغ‌قویونلو) حکمداری حسن پادشاه (اوزون حسن) طرفیندن تبریزده صاحب آباد میدانینداکی ۱۴۷۰-جی ایلده پادشاه فرمانی ایله اینشا ائدیلن سلطان حسن مسجیدینین سون دورومو آجیناجاقلیدیر.

تاریخی سندلرده مسجد «حسن پادشاهین مسجیدی» آدلانیر. اولیا چلبی مسجد باره‌ده یازیر:

«سلطان حسن مسجدی اوزون حسن طرفیندن سلطانلارا لاییق تیکیلن مسجیدیر. مسجیدین ستون‌لارینین بنزری مصر، شام، عراق عرب و عجمده یوخدور. یالنیز حسن جامع‌سینده‌دیر».

سیاحلار و او دورون تدقیقات‌چیلاری قید ائدیرلر کی، اسلام دینینین مذهبلرینه ده آیری-سئچکی‌لیک قویولموردو اونون دورونده. سلطان حسن مسجیدینین یانین‌دا حنفی، بیر طرفین‌ده شافعی مسجیدی، بیر طرفینده شیعه، بیر طرفینده ایسه سنی مسجیدی یئرلشیب (باخ: ساندرا آوبه، «Sandra Aube, “The Uzun Hasan Mosque in Tabriz: new perspectives on a Tabrizi ceramic tile workshop”

حسن پادشاه مسجیدینین حاضرکی وضعیتی تبریزده‌کی دیگر تاریخی عابده‌لریمیز کیمی پهلوی و ملا رژیمینده محو اولماغا باشلانیب. بو عابده پهلوی دورون‌ده، ۱۹۷۵-جی ایلده «ملی عابده‌لر» سیاهیسیندا قیدیاتا آلینسا دا، ایران‌دا آذربایجانین بیر چوخ تاریخی عابده‌سی کیمی نظارت ائدیلمدییندن، جدی داغینتیلارا معروض قالیب.

حتی ۲۰۲۰-جی ایلده حسن پادشاه مسجیدینین گیریش حیصه‌سی محره‌م‌لیک مراسمی کئچیره‌نلر طرفیندن یاندیریلیب.

پرسیا ۱۹۳۵-جی ایلده ایران اولاندان سونرا آذربایجان تورک دولتلرینه مخصوص عابده‌لر ویران اولماقدا داوام ائدیر، بو گونون اؤزونده ده.