ان دار یئرده هرموز بوغازینین انی ۲۱ میل (۳۹ کم) تشکیل ائدیر. عینی زمان‌دا، ایرانین اراضی سولارینین انی ۲۲ میل، بوغازین دیگر طرفینده یئرلشن عمانین ایسه ۱۲ میلدیر. یعنی بوغازدان کئچه‌ن گمیلر تعینات لیمانلارینا چاتماق اوچون صلح یولو ایله کئچمک حقوقون‌دان استفاده ائدیرلر. بو کئچید هر بیری تخمیناً ۲،۵ کم انین‌ده اولان ایکی نقلیات کانالینا بؤلونور، اونلارین آراسیندا ۵ کیلومترلیک بوفر زوناسی یئرلشیر. بوغازین مینالانماسی او قدر ده چتین مسئله دئییل. ایرانین ۵۰۰۰-دن ۶۰۰۰-ا قدر دنیز میناسی وار.

Axar.az خبر وئریر کی، بو فکرلری روسیالی سیاسی- حربی اکسپرت ایگور کوروتچنکو بیلدیریب.

اونون سؤزلرینه گؤره، بو قدر مینا هرموز بوغازینی باغلاماق اوچون کفایت‌دیر:

«ایران اسلام رسپوبلیکاسینین مینا آرسنالی مختلف نوع‌ده‌دیر. بو آرسنال کهنه مدل‌لردن اولان لوبرلی مینالاری، یالنیز سو اوستو گمیلر دئییل، هم ده سوآلتی قاییقلار و آویاسیا واسطه‌سیله یئرلشدیریله بیلن دیب مینالارینی احاطه ائدیر. همچینین لوبرله برکیدیله‌ن، لاکین ایشه دوشدوکده لوبرینی بوراخاراق شاقلی شکیل‌ده سطحه چیخان مینالار و هدفی «حس ائتدیکده» فعالیته باشلایان – سویون آلتیندا لوبرله ساخلانیلان و یا دیب‌ده یئرلشدیریلن اؤز-اؤزونو توشلایان الکتریک تورپئدالاری دا بو آرسنالا داخیدیر.

اونلار کونتاکت و غیری-کونتاکت (ماقنیت، آکوستیک، هیدرودینامیک، ایندوکسیا و کومبینه ائدیلمیش) پارتلادیجیلارلا تجهیز اولونورلار.

بوغازدا مینا یئرلشدیریلمه‌سی اوچون کیچیک یوک گمیلریندن استفاده ائدیله بیلر، چونکی دؤیوش گمیلرینین فعالیتی دقتی جلب ائدردی. سپاه-این سرعتلی کاترلری هر بیری ایکی مینا یئرلشدیرمک قابیلیتینه مالیکدیر. همچینین ۱۲۵ تونلوق توتومو اولان «قادیر» تیپلی ۲۰ کیچیک سوآلتی قاییق ایکی تورپئدا قورغوسوندان دؤرد مینا یئرلشدیره بیلیر».